موڭعوليا استاناسى ۋلان-باتور قالاسىندا قول قويىلعان قۇجات 1993-جىلعى دوستىق جانە ارىپتەستىك تۋرالى كەلىسىم-شارتقا نەگىزدەلگەن. ەكى كورشى اراسىنداعى قارىم-قاتىناس «بارلىق سالا بويىنشا جاڭا دەڭگەيگە كوتەرىلدى» دەدى باتۋلگا.
رەسەي باسشىسى جاڭا كەلىسىم «ەكى تاراپتىڭ قارىم-قاتىناستى جاڭا دەڭگەيگە كوتەرۋدى ماقسات ەتىپ وتىرعانىن كورسەتەدى جانە رەسەي مەن موڭعوليانىڭ العا قويعان ۇزاق مەرزىمدىك مىندەتتەرىن شەشەدى» دەپ اتاپ ءوتتى.
«رەسەي بۇرىننان بەرى موڭعوليانى ەنەرگيامەن قامتاماسىز ەتىپ وتىرعان سەنىمدى سەرىگى» دەدى پۋتين. موڭعوليا مۇناي ونىمدەرىنىڭ باسىم بولىگىن رەسەيلىك «روسنەفت» كومپانياسىنان الادى.
2- قىركۇيەكتە كەشكە قاراي موڭعولياعا بارعان پۋتين ۋلان-باتورداعى 1939-جىلى تامىز-قىركۇيەك ايلارىندا حالحين-گول وزەنى جاعاسىندا ەكى ەلدىڭ بىرىگىپ، جاپون اسكەرىن جەڭۋىنە 80 جىل تولۋىنا وراي ۇيىمداستىرىلعان ەسكە الۋ شاراسىنا قاتىسقان.
«ازاتتىق»