امەڭگەرلىك قولدانىستا بار ما؟
قازىرگى تاڭدا قولدانىستا بولماعان ءسوز بولعاندىقتان اتىنا، ماعىناسىنا ەشكىم ءمان بەرە قويماس. امەڭگەرلىك- اتا- بابامىزدان كەلە جاتقان سالت-ءداستۇر. كۇيەۋىنەن ايىرىلعان جەسىر ايەل ءوزىنىڭ بالالارىن جەتىم قالدىرماس ءۇشىن جۇبايىنىڭ قايىناعاسىنا، قايىنىنىسىنە نە بولماسا جاقىن تۋىستارىنىڭ بىرىنە تۇرمىسقا شىققان.
اكەسىز قالعان بالا-شاعاسىن ويلاپ وسىلاي امەڭگەرلىك جاسالعان. بۇل قازاق قوعامىندا ەرتە زاماننان بەرى قالىپتاسقان زاڭ نورماسى دەسەك ارتىق ايتقاندىق ەمەس. قانداي جاعداي بولسا دا، ءبىرىنشى ايەل ادامنىڭ رۇقساتىن الىپ، نەكەلەستىرگەن. ەگەردە ايەل كۇيەۋى قايتىس بولعاننان كەيىن، باسقا ادامدى باقىتىم دەپ تاپسا، جۇبايىنىڭ ارتىندا قالعان بالالارى مەن مال- مۇلكىن اۋلەتى الىپ قالعان. امەڭگەرلىك ماسەلەسىن بۇرىنعى زاماندا رۋ-اقساقالداردىڭ باسقارۋىمەن، تۋىستارىنىڭ ورتاق ۇيعارىمىمەن شەشىلگەن.
قازىرگى تاڭدا «كورپەڭە قاراي كوسىل»- ەمەس، «زامانىڭا قاراي كوسىل» بولدى-اۋ. جەسىر قالعان ايەلدى ەمەس اجىراسقان وتباسىنى كوپ ەستيمىز. امەڭگەرلىكتىڭ قازىرگى تاڭدا قاجەتى بار ما؟ - دەگەن سۇراقتىڭ ءوزى قاجەت پە؟ - دەپ ويلانىپ قالامىز. مۇمكىن ومىردە كەزدەسپەسە دە، ءوزىمىزدىڭ وتاندىق تەلەحيكايالارىمىزدان كورىپ سالت-ءداستۇرىمىزدىڭ بارىن ەسكە ءتۇسىرىپ العانىمىز ءجون شىعار.
جۋىردا «Qazaqstan» ۇلتتىق ارناسىنىڭ جاڭا ماۋسىمىندا جارىق كورەتىن 20 ءبولىمدى تىڭ تۋىندى وسى سۇراقتى بەينەلەيدى. بۇل تەلەحيكايادا اۋلەتتىڭ ار-نامىسى، اشۋ-ىزا، قىزعانىش، ماحاببات باستىسى سالت-ءداستۇرىمىزدىڭ ماڭىزدىلىعى كەزدەسەدى.
ايتقىمىز كەلگەنى: ءوزىمىزدىڭ تەلەحيكايالارىمىزدى كورۋ ارقىلى بابالاردان كەلە جاتقان ءداستۇرىمىزدى قايتا جاڭعىرتىپ، «جەتىمىن جىلاتپاعان، جەسىرىن قاڭعىرتپاعان» قازاقي قۇندىلىعىمىزدى ىسكە اسىرۋدىڭ تەتىگىن كەلىسىپ اتقارساق، سالت-ءداستۇردىڭ ساقتالۋىنا كومەگىمىزدى تيگىزەتىنىمىز ءسوزسىز.