بۇل تۋرالى The Daily Telegraph باسىلىمى حابارلايدى.
مامىر ايىندا سۋررەي گرافتىعىندا تۇراتىن 46 جاستاعى ەنتوني لەلليوتت ەدەندى جوندەپ جاتىپ، سول جاق بىلەگىن ارامەن كەسىپ العان. وسىلايشا، ونىڭ باس بارماعى، سۇق جانە ورتاڭعى ساۋساقتارى كەسىلىپ كەتكەن. ارتىنشا ول لوندوننىڭ وڭتۇستىگىندەگى اۋليە گەورگي اۋرۋحاناسىنا جەتكىزىلەدى.
دارىگەرلەر ەر ادامنىڭ بىلەگىن قالپىنا كەلتىرۋ ءۇشىن، ونىڭ ورتاڭعى ساۋساعىن قۇربان ەتۋدى ءجون كورىپتى. سەبەبى ونىڭ سەزىمتالدىعى مەن تۇراقتىلىعى تومەندەگەن.
مەديتسينا قىزمەتكەرلەرى ەر ادامنىڭ سۇيەگى مەن تەرىسىن زاقىمدالعان بىلەگىن قالپىنا كەلتىرۋ ماقساتىندا پايدالانۋدا جوسپارلاعان. ال جەتپەي قالعان تەرىنى پاتسيەنتتىڭ شابىنان الىپتى. ەر ادامنىڭ وتا جاسالعان جەرى جاڭا تەرىمەن جابىلۋى ءۇشىن، وعان پاتسيەنتتىڭ بىلەگىن تىگىپ قويعان. ارادا ەكى اپتا وتكەننەن كەيىن دارىگەرلەر ەر ادامنىڭ بىلەگى مەن شابىن ءبىر- بىرىنەن اجىراتىپ الىپ، ارتىنشا ساۋساقتارىن قالپىنا كەلتىرۋدى ءتامامداپتى.
اتالعان وتا 17 ساعاتقا سوزىلعان. پلاستيكالىق حيرۋرگ رودجەر ادلارد بۇل وقيعانى ءوز مانسابىنداعى ەڭ اۋىر جاعداي دەپ اتادى.
«كوپتەگەن حيرۋرگ مۇنداي جاراقاتتى ەمدەۋگە بولمايدى دەپ ۇيعاراتىن ەدى» ، - دەيدى ول.