بۇل وقيعا تۋرالى ەلباسى «Nur Otan» پارتياسى كەڭەسىنىڭ كەڭەيتىلگەن وتىرىسىندا ايتىپ بەرگەن ەدى.
«مەن قازاقستان كومپارتياسىنىڭ ورتالىق كوميتەتىنىڭ ءبىرىنشى حاتشىسى بولىپ تۇرعاندا، قاراعاندىعا كەلگەندە ورتالىق الاڭ تولى بولدى. گرافيتتەن قاپ- قارا بولعان كاسكا كيگەن شاحتەرلەر جەر استىنان شىقتى. ماعان بارما، تالايدى دەدى. تالاي بەرسىن دەيمىن. ولارعا تىكە بارا المايتىن، قورقاتىن باسشى نەسىنە قاجەت؟ نەدەن قورقامىن؟ ءبارىمىز بىلەمىز - حالىققا تىكە بارىپ، ولارمەن سويلەسىپ، ءتۇسىندىرۋ كەرەك. ءوزىمىزدىڭ حالقىمىز عوي، ولار قانداي دا ءبىر جاۋاپ ەستىگىسى كەلەدى» ، - دەدى نۇرسۇلتان نازاربايەۆ پارتيا كەڭەسىنىڭ كەڭەيتىلگەن وتىرىسىندا.
ايتا كەتەيىك، 21 - تامىز كۇنى ەلوردادا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ توراعالىعىمەن «Nur Otan» پارتياسى ساياسي كەڭەسىنىڭ كەڭەيتىلگەن وتىرىسى وتكەن بولاتىن.