جامبىل وبلىسىندا ءبىر قورا مال جانىپ كەتتى

نۇر-سۇلتان. قازاقپارات - جامبىل وبلىسىندا جەكە شارۋا قوجالىقتارىنىڭ بىرىندە ءورت شىعىپ، 90 باس مال جانىپ كەتتى. وقيعا جامبىل اۋدانى قوڭىرتوبە اۋىلىنىڭ ماڭىندا بولعان.

وبلىستىق توتەنشەجاعدايلار دەپارتامەنتىنىڭ مالىمدەۋىنشە، 90 باس مالدىڭ 67- ءسى سيىر، بەسەۋى جىلقى،قالعانى ۋاق مال. سونىمەن قاتار 200 توننا ءشوپ كۇلگە اينالدى.

ءتىلسىز جاۋمەن كۇرەسكە 40-قا جۋىق ادام مەن 8 تەحنيكا جۇمىلدىرىلعان.ءورتتىڭ بەتى قايتپاي، ماماندار قىزىل جالىنمەن 7 ساعات بويى ارپالىسقان. شارۋا قوجالىعىيەسىنىڭ ايتۋىنشا، وتتى بەلگىسىز بىرەۋلەر قاساقانا قويعان بولۋى مۇمكىن.

تالعات سابىروۆ، وبلىستىق ت ج د باستىعىنىڭ م. ا:

- ءورتتىڭ كولەمى600 شارشى مەتر بولدى. ءورتتىڭ سەبەبىن انىقتاۋ ءۇشىن ءورت سىناق زەرتحاناسى جانە پوليتسيابولىمدەرى جەدەل تەرگەۋ توبى جۇمىلدىرىلدى.

www.24.kz