ارحەولوگتار قالماققىرىلعاندى زەرتتەپ جاتىر

نۇر-سۇلتان. قازاقپارات - «رۋحاني جاڭعىرۋ» باعدارلاماسىنىڭ اياسىندا ايگىلى قالماققىرىلعان اۋماعىندا كەشەندى ارحەولوگيالىق-ەتنوگرافيالىق زەرتتەۋ جۇمىستارى ءجۇرىپ جاتىر، دەپ حابارلايدى قازاقپارات.

XVIII عاسىرداعى قاندى شايقاسقا كۋابولعان اۋماقتاعى زەرتتەۋ جۇمىستارى 1- تامىزدا باستالىپتى.

پاۆلودار وبلىسىنىڭ ماي اۋدانىنداورنالاسقان اۋماقتا «قازاقستان ارحەولوگيالىق قوعامى» قوعامدىق ۇيىمىنىڭ باسشىسىۆيكتور مەرتس باستاعان زەرتتەۋشىلەر جۇمىس ىستەپ جاتىر.

قالماققىرىلعان تاۋلارى ءبىر جاعىنانبۇكىل سارىارقانىڭ تاعدىرىن شەشكەن اتىشۋلى شايقاستىڭ ورنى بولسا، ەكىنشى جاعىنانۇلتتىق مۇرانى بويىنا جاسىرعان تابيعي ەسكەرتكىش دەۋگە بولادى. نىسان اۋماعىنداقولا جانە ەرتە تەمىر ءداۋىرىنىڭ ەسكەرتكىشتەرى بار. ۆيكتور مەرتس ول ەسكەرتكىشتى2008-جىلى دا زەرتتەگەن. ەسكەرتكىش قولا جانە ەرتە تەمىر داۋىرىندەگىسولتۇستىك-شىعىس سارىارقا كوشپەلىلەرىنىڭ جەرلەۋ راسىمدەرىنەن حابار بەرەدى.

8- تامىز كۇنى بۇل ماڭعا الكەي مارعۇلان اتىنداعى ارحەولوگيالىقورتالىق پەن س. تورايعىروۆ اتىنداعى پمۋ عالىمدارىنىڭ قاتىسۋىمەن پاۆلوداروبلىسىنىڭ اكىمى بولات باقاۋوۆ باستاعان ەكسپەديتسيا ۇيىمداستىرىلعان. ەكسپەديتسياكەزىندە قالماققىرىلعان تاۋلارىنان جەرلەۋ ءراسىمىن ەسكە سالاتىن كوپتەگەنبەلگىلەر تابىلىپ، جارتاستاعى جازۋلار انىقتالدى.

عالىمدار اۋليەۇڭگىردى زەرتتەپ،«قىزقۇلاعان»، «گاۋحار بيىگى»، «باس مالاي»، «ورتا مالاي»، «كىشى مالاي»، «قارناق»جانە باسقا دا كوپتەگەن اڭىز-داستانداردى قاعازعا تۇسىرگەن. قالماققىرىلعانتاۋلارى مەن تۇندىك وزەنىنىڭ ارالىعىنداعى توپنويميكالىق اتاۋلار دا عالىمداردىڭزەرتتەۋ نىسانىنا اينالماق.