ۇ ق ك قاۋىپسىزدىك سەرتيفيكاتىن تەستىلەۋدەن وتكىزۋدى توقتاتادى

نۇر-سۇلتان. قازاقپارات - «قازاقستان رەسپۋبليكاسىنىڭ ۇلتتىق قاۋىپسىزدىگى تۋرالى» قازاقستان رەسپۋبليكاسىنىڭ زاڭىنا سايكەس جانە كيبەرقاۋىپسىزدىك پەن اقپاراتتىق قاۋىپسىزدىكتى قامتاماسىز ەتۋ ماقساتىندا ق ر ۇ ق ك قاۋىپسىزدىك سەرتيفيكاتىن قولدانۋدى تەستىلەۋدى ءساتتى اياقتادى، دەپ حابارلايدى قازاقپارات ق ر ۇ ق ك باسپا ءسوز قىزمەتىنە سىلتەمە جاساپ.

ناتيجەسىندە كيبەر جانە اقپاراتتىقكەڭىستىكتە كيبەرقاۋىپتىڭ الدىن الۋ جۇيەسى قۇرىلدى.

اقپاراتتىق قاۋىپسىزدىكتىڭ ۇلتتىقۇيلەستىرۋ ورتالىعى تەك وتكەن ايدا عانا مەملەكەتتىك ورگاندار مەن جەكە كومپانيالارعاقاتىستى 8 ميلليون مارتە ۆيرۋستىق بەلسەندىلىكتى جانە 130 مىڭ كيبەرشابۋىلدىانىقتادى. ودان بولەك، ءبىرقاتار مەملەكەتتىك ورگاندارعا كيبەرتىڭشىلىق جاساۋفاكتىلەرى اشىلدى.

سونىمەن قاتار، سەرتيفيكات ەنگىزۋدىڭتۇيتكىلدى ماسەلەلەرى زەردەلەندى، بايلانىس وپەراتورلارىنىڭ جۇمىسىنا ىقپال ەتەتىنتۇستارى تەكسەرىلدى.

سەرتيفيكات بولاشاقتا ۇلتتىققاۋىپسىزدىككە كيبەر جانە اقپاراتتىق شابۋىل ارقىلى قاتەر تونگەن جاعدايدا ەلازاماتتارىنا الدىن الا ەسكەرتۋ بەرە وتىرىپ قولدانىلاتىن بولادى.

تەستىلەۋ جۇمىستارىنىڭ وڭ ناتيجەگە جەتكەنىنەسكەرە وتىرىپ، ۇ ق ك 7- تامىزدان باستاپ تەستىلەۋدىڭ توقتاتىلاتىنىن مالىمدەيدى.جاقىن ارادا رەسمي سايتتا جەكە قۇرىلعىلارداعى قاۋىپسىزدىك سەرتيفيكاتىن ءوشىرۋجولدارى كورسەتىلگەن نۇسقاۋلىق جاريالانادى.