ازەربايجان اۋە قورعانىس كۇشتەرىنىڭ ۇشاعى تەڭىزگە قۇلادى

باكۋ. - قازاقپارات - كەشە ساعات 22:00 دە ازەربايجان اۋە قورعانىس كۇشتەرىنىڭ ميگ-29 ۇشاعى وقۋ-جاتتىعۋ كەزىندە اپاتقا ۇشىراپ، كاسپي تەڭىزىنە قۇلادى، دەپ حابارلادى بەيسەنبى كۇنى Trend ازەربايجان قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

تۇنگى وقۋ-جاتتىعۋ كەزىندە ازەربايجان اۋەقورعانىس كۇشتەرىنىڭ ميگ-29 ۇشاعىمەن بايلانىس كەنەت ءۇزىلىپ، ول راداردانكورىنبەي كەتكەن.

الدىن الا نۇسقا بويىنشا، اۋە اپاتىسالدارىنان اسكەري ۇشاق كاسپي تەڭىزىنە قۇلاعان.

ۇشقىشتى ىزدەۋ جانە قۇتقارۋ شارالارىتوقتاۋسىز جۇرگىزىلىپ جاتىر.