ماسكەۋگە بارعان اتامبايەۆ پۋتينمەن كەزدەستى

نۇر-سۇلتان. قازاقپارات - رەسەي پرەزيدەنتى ۆلاديمير پۋتين قىرعىزستاننىڭ بۇرىنعى پرەزيدەنتى المازبەك اتامبايەۆپەن كەزدەستى.

بۇل تۋرالى اقپاراتتى 24- شىلدەدە رەسەيپرەزيدەنتىنىڭ رەسمي سايتى جاريالادى.

«ءيا، المازبەك شارشەنوۆيچپەن كەزدەسكەنىم راس. ءبىز ايماقتاعىجاعداي مەن قىرعىزستان تۋرالى اڭگىمەلەستىك» دەگەن جۋرناليستەر سۇراعىنا جاۋاپبەرگەن پۋتين.

رەسەي پرەزيدەنتى قىرعىزستان جايلىپوزيتسياسىن اتامبايەۆقا جەتكىزگەنىن ايتقان.

«قىرعىزستان - وداقتاسىمىز، بىزگە جاقىن مەملەكەت دەپ سانايمىنجانە بۇعان دەيىن قىرعىزستاندا بىرنەشە، ناقتى ايتقاندا كەمىندە ەكى رەت ساياسيتولقۋ بولدى. مەنىڭشە، قىرعىزستان حالقىنىڭ مۇددەسى ءۇشىن وسىمەن توقتاۋ قاجەت دەپويلايمىن. ەلگە ساياسي تۇراقتىلىق كەرەك، بارشا جۇرت قازىرگى پرەزيدەنتتىڭ ماڭىندابىرىگىپ، وعان مەملەكەتتى دامىتۋعا كومەكتەسۋى كەرەك» دەگەن پۋتين.

ونىڭ سوزىنشە، رەسەي قىرعىزستاننىڭقازىرگى بيلىگىمەن ەكى ەل اراسىنداعى ارىپتەستىككە قۇرىلعان جوسپارلارىن جۇزەگەاسىرۋعا نيەتتى.

بۇعان دەيىن قىرعىزستاننىڭ بۇرىنعى پرەزيدەنتىالمازبەك اتامبايەۆتىڭ 24- شىلدەدە بىشكەكتەن 40 شاقىرىم جەردەگى كانت اۋەبازاسىنان رەسەيگە ۇشىپ كەتكەنى تۋرالى اتامبايەۆتىڭ كەڭەسشىسى قۇندىز جولدۋبايەۆاحابارلاعان.

قىرعىزستاننىڭ قازىرگى پرەزيدەنتىسوورونباي جەەنبەكوۆ 11- شىلدەدە ماسكەۋگە قىسقا مەرزىمدى ساپارمەن بارىپ،ۆلاديمير پۋتينمەن كەزدەسىپ قايتقان.

27- ماۋسىمدا قىرعىزستان پارلامەنتى المازبەك اتامبايەۆتى ەكس-پرەزيدەنتجانە تيىسپەۋشىلىك مارتەبەسىنەن ايىرعان.

قىرعىزستاننىڭ بۇرىنعى پرەزيدەنتىنەقىزمەتتە ءجۇرىپ جەمقورلىققا جول بەردى، وكىلەتىن اسىرا پايدالاندى جانە زاڭسىزبايىدى دەگەن سياقتى جالپى سانى بەس ايىپ تاعىلعان. اتامبايەۆ بۇل ايىپتاردىڭءبارىن جوققا شىعارىپ، ۇستىنەن قوزعالعان ءىستىڭ ساياسي استارى بار دەپمالىمدەگەن.

كەيىن قىرعىزستان ىشكى ىستەرمينيسترلىگىنىڭ تەرگەۋ قىزمەتى اتامبايەۆتى ءۇش رەت تەرگەۋ سۇراعىنا جاۋاپ بەرۋگەشاقىرعانىمەن ول بارماعان. اتامبايەۆتىڭ ادۆوكاتى سەرگەي سلەساريەۆ «پارلامەنتتىڭاتامبايەۆتى تيىسپەۋشىلىك مارتەبەسىنەن ايىرۋ تۋرالى شەشىمى كونستيتۋتسياعا قايشى»دەپ مالىمدەگەن.

اتامبايەۆتىڭ ونداعان جاقتاسى 22-ماۋسىمنان بەرى ونىڭ كوي-تاش اۋىلىنداعى ءۇيىنىڭ ماڭىنان لاگەر قۇرىپ، شتاب اشقان.3- شىلدەدە بىشكەكتە المازبەك اتامبايەۆتىڭ جاقتاستارى نارازىلىق شاراسىن وتكىزىپ،قازىرگى بيلىكتىڭ وتستاۆكاعا كەتۋىن تالاپ ەتكەن. بۇل شاراعا اتامبايەۆتىڭ ءوزى دەقاتىسقان.