رەسەي جاپونياعا ەكى ارالدى قايتارۋدان باس تارتتى

نۇر-سۇلتان. قازاقپارات - رەسەي بەيبىت كەلىسىم اياسىندا كۋريل تىزبەگىندەگى ەكى ارالدى (حابوماي جانە شيكوتان ارالدارى) جاپونياعا قايتارۋ ماسەلەسىن تالقىلاۋدان باس تارتتى.

بۇل تۋرالى ءوز دەرەككوزىنە سىلتەمە جاساعانجاپوندىق Kyodo اگەنتتىگى حابارلاپ وتىر.

بۇعان سەبەپتەردىڭ ءبىرى - ماسكەۋدىڭجاپونيا مەن ا ق ش اراسىنداعى اسكەري اليانسىنا قاتىستى الاڭداۋشىلىعى.

رەسەي سىرتقى ىستەر مينيسترلىگىنىڭ رەسميوكىلى ماريا زاحاروۆانىڭ ر ب ك اگەنتتىگىنە حابارلاۋىنشا، توكيومەن اراداعىكەلىسسوزدىڭ نەگىزگى ماقساتى - بەيبىت كەلىسىم. ءبىراق تاراپتار اراسىندا وندايكەلىسىم جوق.

جاپونيا ۇزاق جىلداردان بەرى كۋريلتىزبەگىندەگى - يتۋرۋپ، شيكوتان، كۋناشيرا جانە حابوماي اتتى ءتورت ارالدى داۋلاپكەلەدى. رەسەي ءۇشىن كۋريل ارالدارى - اسكەري ولجا، ال جاپونيا ءۇشىن - قولدىبولعان تەرريتوريا. كۋريل ارالدارى جاپونيا مەن رەسەي اراسىندا ورنالاسقان.

ەكىنشى دۇنيەجۇزىلىك سوعىس اياقتالاركەزدە ا ق ش پەن ۇلى بريتانيا ماسكەۋگە ەگەر س س س ر جاپونياعا قارسى سوعىس اشسا،كۋريل ارالدارىن بەرۋگە ۋادە ەتكەن.

1945 -جىلى ەكىنشى دۇنيەجۇزىلىك سوعىس اياقتالعاننان كەيىن سوۆەتاسكەرى جاپونياعا تيەسىلى ارالداردى اننەكسيالاپ العان. رەسەي ارالداردى ءوزيەلىگى دەپ ەسەپتەيدى، ال جاپونيا بۇل اۋماقتى ءوزىنىڭ ءبىر بولىگى ساناپ، ونىقايتارۋدى ۇنەمى تالاپ ەتىپ كەلەدى.

1956 - جىلى جاپونيا مەن سوۆەت وداعى اۋماقتا اسكەري ارەكەتتەردىتوقتاتۋ تۋرالى دەكلاراتسياعا قول قويعان، ءبىراق بەيبىت كەلىسىم جاسالماعان.

ەكىنشى دۇنيەجۇزىلىك سوعىس اياقتالعالىبەرى 70 جىلدان استام ۋاقىت وتسە دە، ءتورت ارالدىڭ ماسەلەسى ءالى كۇنگە دەيىنبەيبىتشىلىك ءبىتىمىن جاساسپاعان رەسەي مەن جاپونيا اراسىنداعى جەر داۋىنااينالعان.

www.azattyq.org