ەلدوس سمەتوۆ بۋداپەشتەگى گران-پري تۋرنيرىندە «التىن» الدى

نۇر-سۇلتان. قازاقپارات​ - قازاقستاندىق ەلدوس سمەتوۆ بۋداپەشتە دزيۋدودان ءوتىپ جاتقان گران-پري تۋرنيرىنىڭ جەڭىمپازى اتاندى، دەپ حابارلايدى قازاقپارات ءتىلشىسى.

جارىستىڭ العاشقى كۇنى قازاقستاندىق دزيۋدوشىلار ەلدوسسمەتوۆ (-60 ك گ) پەن ەلدوس جۇماقانوۆ (-66 ك گ) فينالعا دەيىن قارسىلاس شاقكەلتىرگەن جوق.

ريو وليمپياداسىنىڭ كۇمىس جۇلدەگەرى ە. سمەتوۆ جارتىلايفينالدا نيدەرلاندى ەلىنىڭ تورنيكە تسجاكادوەانى ۇتتى. ال ە. جۇماقانوۆ يسپانيالىقگايتەرو مارتين البەرتونى ۋاقىتىنان بۇرىن، تازا جەڭدى.

قوس قازاقستاندىق سپورتشىنىڭ فينالداعى قارسىلاستارىموڭعول بالۋاندارى ەدى. ە. سمەتوۆ سوڭعى باسەكەدە قارسىلاسىن ۇتىپ، التىن الدى. ە.جۇماقانوۆ ءسال كەيىن تاتاميگە شىعادى.

اتالمىش دوداعا الەمنىڭ 82 ەلىنەن 550 گە جۋىق دزيۋدوشىقاتىسۋدا. قازاقستاننان 16 سپورتشى بارسا، سونىڭ 12 سى - ەرلەر.

ايەلدەر اراسىندا قازاقستاندىقتار اننا كازيۋلينا (-52 كگ) مەن سيەۆارا نيشانبايەۆا (-57 ك گ) جارىس جولىنان ەرتە شىعىپ قالدى.

ەسكە سالا كەتەيىك، بۇدان بۇرىن ەلدوس سمەتوۆ باستاعاندزيۋدوشىلاردىڭ بۋداپەشت تۋرنيرىندە باق سىنايتىنىن جازعان بولاتىنبىز.