ق ر جوعارعى سوتىنىڭ ءتوراعاسى: ءبىز كوپ سويلەۋگە ءماجبۇر بولدىق
بۇل تۋرالى بۇگىن سۋديالاردىڭ كەڭەيتىلگەن كەڭەسىندە ق ر جوعارعى سوتىنىڭ ءتوراعاسى جاقىپ اسانوۆ ايتتى، دەپ حابارلايدى قازاقپارات ءتىلشىسى.
«بىلتىردان بەرى بىزدە وتە كوپ شارا بولدى. 10 نان استامى تىكەلەي ەفيردە ءوتتى. سول كەزدە «جوعارعى سوتتىڭ باسشىلارى نەگە كوپ سويلەي بەرەدى، كوپ سويلەگەنشە سونىڭ بارلىعىن ىسكە اسىرماي ما؟» دەگەن اڭگىمەنى ەستىدىك. ارينە، ونىڭ بارلىعىن ءبىز ايتا المادىق. ءبىراق، ونىڭ سەبەبى بولدى. ەڭ باستى سەبەبى ءبىز ءوزىمىزدىڭ باعدارلامالارىمىزدى جازعاننان كەيىن جاعدايدى جاقسارتۋ ءۇشىن ءبىراز زاڭدى وزگەرتۋ قاجەتتىلىگى پايدا بولدى. ال ەندى ونى وزگەرتۋ ءۇشىن سول ماسەلەگە قاتىستى بارلىق مەملەكەتتىك ورگانداردىڭ، باسقا قۇرىلىمداردىڭ كەلىسىمى كەرەك. كەيبىر مەملەكەتتىك قۇرىلىمدار بىزبەن كەلىسپەي قارسىلىق ءبىلدىرىپ جاتتى. سوندىقتان ءبىز كوپ سويلەۋگە ءماجبۇر بولدىق. ويتكەنى ءوزىمىزدىڭ ۇستانىمىزدى دالەلدەۋ كەرەك بولدى»، - دەدى ول2019 -جىلدىڭ 1 -جارتىجىلدىقتاعى سوت تورەلىگىن جۇزەگە اسىرۋ قورىتىندىسى قارالعان كەڭەستە.
وسى ورايدا، ول 2018 -جىلدىڭ قاراشا ايىندا ەلباسى جيىن وتكىزىپ، وندا سۋديالاردى سىناعانىن جانە ناقتى تاپسىرما بەرگەنىن ايتتى.
«سودان كەيىن ءبىزدىڭ زاڭدارىمىز العا جىلجىدى. زاڭ جوبالارى ماجىلىسكە ەنگىزىلدى. ماجىلىستە، سەناتتا قارالدى، كۇشىنە ەندى. جالپى 6 زاڭ كۇشىنە ەنىپ، قازىر ءوزىنىڭ ناتيجەسىن بەرىپ جاتىر. باسىم بولىگى ءالى پارلامەنت قاراۋىندا. بۇگىنگى كۇنى پارلامەنتتە 7 زاڭ جوبامىز بار. ولاردىڭ بارلىعىندا دا سوتقا قاتىستى ماسەلەلەر قارالعان. سوندىقتان ولار دا ءبىزدىڭ جۇمىستى ءبىراز العا ىلگەرلەتەدى دەگەن سەنىمىمىز بار»، - دەدى جاقىپ اسانوۆ.