اقتوبەدە ەكى باسقارماعا جاڭا باسشى كەلدى

اقتوبە. قازاقپارات - اقتوبەدە وبلىستىق مادەنيەت جانە جول جوندەۋ باسقارمالارىنىڭ باسشىلارى اۋىستى، دەپ حابارلايدى قازاقپارات ءتىلشىسى.

كەشە وڭىردەگى بەس اۋداننىڭ اكىمى تاعايىندالعان بولاتىن. بۇگىن وبلىس اكىمى وڭداسىن ءورازاليننىڭ قاۋلىسىمەن مادەنيەت، ارحيۆتەر جانە قۇجاتتاما باسقارماسىنىڭ باسشىسى قىزمەتىنە نۇرحان كەنجەباي ۇلى قادىربايەۆ، وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىلىعىنا مالىمبەت ەرعالي ۇلى يبراشوۆ تاعايىندادى.

 

وبلىس اكىمى باسپا ءسوز قىزمەتىنىڭ حابارلاۋىنشا، نۇرحان قادىربايەۆ 1986 -جىلى تۋعان. 2008 -جىلى ت. جۇرگەنوۆ اتىنداعى قازاق ۇلتتىق ونەر اكادەمياسىن بىتىرگەن. ەڭبەك جولىن 2007 -جىلى م. اۋەزوۆ اتىنداعى قازاق مەملەكەتتىك دراما تەاترىنىڭ ءارتىسى بولىپ باستادى. ءال-فارابي اتىنداعى قاز ۇ ۋ ستۋدەنتتىك كلۋبىنىڭ كوركەمدىك جەتەكشىسى، ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى باسشىسىنىڭ ورىنباسارى، ت. احتانوۆ اتىنداعى اقتوبە وبلىستىق دراما تەاترىنىڭ ديرەكتورى قىزمەتتەرىن اتقارعان.

 

ال مالىمبەت يبراشوۆ 1970 -جىلى تۋعان. الماتى ەكونوميكا جانە ستاتيستيكا ينستيتۋتىن، ل. ب. گونچاروۆ اتىنداعى قازاق اۆتوموبيل جانە جول ۋنيۆەرسيتەتىن، حالىقارالىق بيزنەس اكادەمياسى وقۋ ورىندارىن اياقتاعان. ەڭبەك جولىن 1989 -جىلى ورىنبور وبلىسى اقبۇلاق سوۆحوزىنىڭ قۇرىلىسشىسى بولىپ باستاعان. اقتوبە وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باس مامانى، اقتوبە وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ ءبولىم باسشىسى، قارعالى، ايتەكە بي اۋداندارىنىڭ اكىمى قىزمەتتەرىن اتقاردى.

 

وبلىس اكىمى باسقارمالاردىڭ جاڭا باسشىلارىنا ءوڭىردىڭ دامۋىنا ۇلەس قوسۋ جانە جۇمىستى ساپالى اتقارۋ جونىندە تاپسىرما بەردى.