يندونەزيالىق Jakarta Post مەرزىمدى باسىلىمىنىڭ تاراتقان حابارى مەن كەلتىرگەن دەرەگىنە قاراعاندا، ارالعا كوشىرىلەتىن تۇرمەلەردە اۋىر قىلمىس جاساعاندار جازاسىن وتەيتىن بولادى. قازىرگى ۋاقىتتا تۇرمەلەردىڭ كوبىسى قالا ماڭىندا ورنالاسقاندىقتان بۇل جاعداي تۇرمەنىڭ ىشكى ءتارتىبىنىڭ بۇزىلۋىنا اپارىپ سوقتىرىپ جاتادى.
ونىڭ ۇستىنە، ءبىر تۇرمەنىڭ قابىرعاسىندا ءتۇرلى باپ بويىنشا سوتتالعاندار جازاسىن وتەۋدە. ونىڭ ىشىندە ۇرلىق جاساعاندارى دا بار، ەسىرتكى قولدانعاندارى دا جاتىر، كىسى ولتىرگەندەرى دە كەزدەسەدى.
ءتىپتى، تەرروريزم بويىنشا ايىپتالعاندارمەن دا جەڭىل قىلمىس جاساعاندار جازاسىن بىرگە وتەپ جاتىر. بۇل ءوز كەزەگىندە جازاسىن وتەۋشىلەر اراسىندا لاڭكەستەردىڭ ىقپالىمەن ەكستەرميستەر قاراسىنىڭ كوبەيۋىنە تۇرتكى بولۋدا. بۇدان بولەك، 127 مىڭ قىلمىسكەرگە شاقتالعان تۇرمەدە 263 مىڭ ادام جازاسىن وتەپ جاتىر.