الەمدەگى ەڭ ۇلكەن ۇشاق العاشقى رەيسىن جاسادى

الىپ ۇشاق دۋبايدان ماسكاتقا قاتىنايدى، دەپ حابارلايدى BBC.

ب ا ءا- ءنىڭ ەڭ ءىرى قالاسى مەن ومان استاناسىنىڭ اراسىنداعى قاشىقتىق - 340 شاقىرىم. اۋە كەمەسى شامامەن 40 مينۋتتاي ۇشادى. ءبىراق بۇل ۋاقىتتا لاينەر ءوزى تاقىلەتتەس باسقا ۇشاقتار ۇشاتىن بيىكتىككە كوتەرىلە المايدى.

ادەتتە مۇنداي الىپتار شامامەن 10 كيلومەتر جانە ودان دا بيىكتەن ۇشادى. ال دۋباي-ماسكات رەيسىمەن ۇشاتىن А380 ەڭ ارىسى 5791 مەترگە كوتەرىلەدى. كومپانيانىڭ مالىمدەۋىنشە، ەكى جاققا قاراي كۇنىنە ەكى رەيس ۇيىمداستىرىلادى.

وعان ەكى Airbus А380 جۇمىلدىرىلعان. ۇشاقتىڭ ەكونوم-كلاسىندا 429 ورىن، بيزنەس-كلاستا - 76، ال ءبىرىنشى كلاستا 14 ورىن بار.

ايتا كەتەيىك، Emirates اۋە كومپانياسى А380 ۇشاعىمەن ەڭ الىس قاشىقتىققا دا تىكەلەي رەيس جاساپ كەلەدى. ۇشاقتار جاڭا زەلانديانىڭ وكلەند قالاسىنان دۋبايعا دەيىن شامامەن 17 ساعات (كەرى باعىتپەن 15 ساعات) ۇشادى، ال ەكى قالا اراسىنداعى قاشىقتىق 14 مىڭ شاقىرىمنان اسىپ تۇسەدى.