ءومىردى ۇزارتۋعا ەرەكشە اسەرى بار سپورت ءتۇرى انىقتالدى
ناقتىراق ايتساق، باقىلاۋعا پروفيلاكتيكالىق مەديتسينا ورتالىعى بولىپ تابىلاتىن كۋپەر كلينيكاسىنىڭ پاتسيەنتتەرى قاتىستىرىلدى (داللاس، ا ق ش) . عالىمدار بەلگىلى ءبىر سپورتپەن اۋەسقويلىق دەڭگەيدە اينالىساتىن جانداردى جانە سول اتالمىش سپورت تۇرلەرىنە قاتىستى ءولىم دەڭگەيىن زەرتتەدى. باقىلاۋ كەزىندە جاياۋ جۇرۋشىلەر، جۇزگىشتەر جانە تۇراقتى جۇگىرەتىندەر قاداعالاندى، سونداي- اق سپورتپەن شۇعىلدانبايتىن ادامدار نازاردان تىس قالعان جوق. وسىلاردىڭ ىشىندە ءجۇزۋ سپورتىن سەرىك ەتكەن ادامدار ءولىمنىڭ ەڭ تومەنگى دەڭگەيىن كورسەتتى. وسى توپتاعى ءولىم- ءجىتىم بارلىق باسقا توپتارعا قاراعاندا % 50 عا كەم بولدى. ءبلەردىڭ سوزىنە قاراعاندا، انىقتالعان فاكت بويىنشا جۇزۋمەن اينالىساتىنداردىڭ كارديورەسپيراتورلىق جۇيەسى فيتنەسىنىڭ جوعارى دەڭگەيىمەن اينالىسقانعا پارا- پار ەكەن. باسقا سپورت تۇرلەرىنە قاراعاندا ءجۇزۋدىڭ ارتىقشىلىعى ءتۇرلى جولدارمەن دە، زەرتتەۋلەرمەن دە دالەلدەندى.
جۇزۋمەن شۇعىلداناتىنداردىڭ قان پلازماسىنداعى جالپى حولەستەريننىڭ، تريگليسەريدتەردىڭ، گليۋكوزانىڭ دەڭگەيى تومەن بولىپ كەلەدى دە، ال «جاقسى» حولەستەريننىڭ (جوعارى تىعىزدىقتاعى ليپوپروتەيدتەردىڭ) دەڭگەيى از قوزعالاتىندارمەن سالىستىرعاندا جوعارى دەڭگەيدە بولادى ەكەن. تيىسىنشە ءجۇزۋ جۇرەك- قان تامىرلارى اۋرۋلارىنىڭ، سونىڭ ىشىندە ميوكارد ينفاركتىسىنىڭ قاۋپىن ازايتادى ەكەن. سونداي- اق، جۇزۋمەن اينالىساتىنداردا جالپى حولەستەريننىڭ، قانداعى تريگليتسەريدتەردىڭ، ادەتتەگى جۇرەك سوعۋ جىلدامدىعى، جاياۋ جۇرگەنگە قاراعاندا تومەن بولاتىن كورىنەدى.
عالىمدار ءجۇزۋدىڭ سوزىلمالى اۋرۋلارى بار ادامدارعا دا ۇسىنىلاتىنىن ەرەكشە اتاپ وتۋدە. ءجۇزۋ باسقا سپورت تۇرلەرىمەن شۇعىلدانۋعا نەمەسە جۇگىرۋمەن اينالىسۋعا مۇمكىندىگى جوق ادامدار ءۇشىن تاماشا بالاما بولۋى مۇمكىن. كوپتەگەن جىلدار بويى جۇرگىزىلگەن زەرتتەۋلەر كورسەتكەندەي، فيزيكالىق بەلسەندىلىكتىڭ تومەندەۋى مەزگىلسىز ءولىم قاۋپىن ارتتىرادى، ال كەز- كەلگەن تۇراقتى دەنە بەلسەندىلىگى ساپالى ءومىر ءسۇرۋ مەرزىمىن ۇزارتاتىنىن ەستەن شىعارماعان ابزال. الماز شارمان، مەديتسينا عىلىمىنىڭ پروفەسسورى
Massaget.kz