كاۋاش حيشامنىڭ الەۋمەتتىك جەلىلەردە جاريالانعان بەينە ۇندەۋىندە ايتىلعانداي، ول تەڭىز كەنتىندەگى س س ە ر كومپانياسىنىڭ قىزمەتكەرلەرى اراسىنداعى جانجال تۋرالى بىلگەن بويدا بىردەن اتىراۋ وبلىسىنا اتتانعان. «قايىرلى كۇن! مەن ەلي داۋدتىڭ ءىس- ارەكەتى ءۇشىن بارلىعىڭىزدان كەشىرىم سۇراعىم كەلەدى. س س ە ر باسشىلىعى مەن قىزمەتكەرلەرىنىڭ اتىنان بۇل كومپانيا ساياساتىنا، قۇندىلىقتارى مەن قاعيداتتارىنا سايكەس كەلمەيتىن كەلەڭسىز وقيعا بولعانىن ايتقىم كەلەدى. اتالمىش جاعدايدان كەيىن ونىمەن اراداعى كەلىسىمشارت بۇزىلىپ، ول جۇمىستان بوساتىلدى. ءبىز وسى جاعدايعا قاتىستى تولىق ىشكى تەرگەۋ جۇمىستارىن جۇرگىزىپ، قاجەتتى شارالاردى قابىلدايمىز. قولىمدى جۇرەگىمە قويىپ، كومپانيانىڭ باۋىرلاس قازاقتارعا ەرەكشە قۇرمەتپەن قارايتىنىن ايتقىم كەلەدى. مەن بولعان جايت ءۇشىن تاعى دا كەشىرىم سۇرايمىن. وسى وقيعا تۋرالى ەستىگەن بويدا جاعدايدى رەتتەۋ ءۇشىن دەرەۋ اتىراۋعا ۇشىپ شىقتىم. بۇگىنگى تاڭدا تەڭىزدەگى جاعداي تۇراقتى، ءولىم- ءجىتىم، اۋىر دەنە جاراقاتتارى بولعان جوق» ، - دەدى كاۋاش حيشام ءوزىنىڭ بەينە ۇندەۋىندە.
بۇدان بۇرىن حابارلانعانداي، 29 -ماۋسىم كۇنى «تەڭىز» ۆاحتا قالاشىعىندا (جىلىوي اۋدانى قۇلسارى قالاسىنان 120 ك م، اتىراۋ قالاسىنان 340 ك م) «سohsolited Contracting Endihering and Prourement S. A. L Offshore (cس ە ر) » كومپانياسىنىڭ جۇمىسشىلارى جۇمىس ۋچاسكەسىنە جينالىپ، ليۆيا ازاماتى Eli Daoud تىڭ جاقىندا whatsاpp جەلىسىنىڭ پروفيلىنە ورنالاستىرعان فوتوسۋرەتىنە نارازىلىق بىلدىرگەن بولاتىن.