ونىڭ YouTube-قا جاريالاعان ۆيدەوسىن اينالاسى ءبىر اپتانىڭ ىشىندە ەكى ميلليوننان استام ادام كورگەن، دەپ حابارلايدى قازاقپارات ءتىلشىسى.
بايقاۋدا كىشكەنتاي قىز دجاكومو پۋچچينيدىڭ «تۋراندوت» وپەراسىنىڭ سوڭعى اكتىنداعى «ەشكىم دە ۇيىقتامايدى» (Nessun dorma) ارياسىن ورىندادى. تاماشا داۋىس يەسىنىڭ كەلەسى كەزەڭگە وتۋىنە قازىلار القاسىنىڭ ءتورت مۇشەسى دە ءبىراۋىزدان داۋىس بەردى.
يمان بيشا يوردانيادا تۋعان. 2017 -جىلى ول اراب ەلدەرىنىڭ Arabs Got Talent بايقاۋىندا جەڭىسكە جەتكەن. سول جولى يوردانيا كورولى II ابداللا يماندى التىن مەدالمەن ماراپاتتاعان بولاتىن.