«كانەلو» قايدا؟ GGG قايدا؟ مەن كەزەكتى رەت ون ەكى راۋندتىق كەرەمەت بوكس پەن ءوزىمنىڭ دجەبىمدى كورسەتتىم. سۋلەتسكي - بۇل روللس تا، فيلدينگ تە ەمەس. «كانەلو» ، ايقاس ۇيىمداستىرايىق!» - دەدى اندرادە.
دەمەتريۋس اندرادە تورەشىلەردىڭ ءبىراۋىزدى شەشىمىمەن (120-107, 120-107, 120-107) پولياك ماتسەي سۋلەتسكيدەن (28-2, 11 كو) باسىم ءتۇسىپ، WBO نۇسقاسى بويىنشا ورتا سالماقتاعى الەم چەمپيونى اتاعىن ەكىنشى رەت قورعاپ قالدى. ەسكە سالا كەتسەك، ءدال وسى چەمپيوندىق بەلبەۋ - گولوۆكين مەن «كانەلو» اراسىنداعى ءۇشىنشى جەكپە- جەك وتكىزۋ ءۇشىن مەكسيكالىقتىڭ قويىپ وتىرعان شارتى. چەمپيوندىق اتاق ساراپقا سالىنبايتىن بولسا، الۆارەس GGG گە قارسى شىققىسى كەلمەيدى.