موڭعول مەن قازاقتىڭ ورتاق دۇنيەلەرى كوپ - موڭعوليا ەلشىسى
«فەستيۆالگە موڭعوليا وكىلدەرى العاش رەت قاتىسىپ وتىر. ءبىزدىڭ قاتىسۋشىلار ات ءۇستى ونەرى مەن ساداق اتۋدان كورسەتىلىم ۇسىناتىن بولادى. جالپى العاندا موڭعول مەن قازاق ەلدەرىنىڭ ورتاق دۇنيەلەرى كوپ. ونىمەن بىرگە، كوشپەندىلىك قازاق پەن موڭعول حالقىنىڭ قانىندا بار قاسيەت. سوندىقتان بۇل ورتاق مەرەكە دەپ بىلەمىن» ، - دەدى لۋۆسان باتتۋلگا.
ونىڭ ايتۋىنشا، موڭعوليادان 17 قاتىسۋشى كەلدى جانە ولار ەكى كۇن بويى ءوز ونەرلەرىن كورسەتەدى.
«بىزدە كوشپەندىلەر فەستيۆالى جىل سايىن وتەتىن ۇلتتىق مەرەكە بولىپ سانالادى. اسىرەسە، بىزدە ات ۇستىندە شابۋ، دالا كۇرەسى (ەركىن كۇرەس) جانە ساداق اتۋ بۇگىنگە دەيىن ساقتالعان. ءوزىڭىز بىلەتىندەي موڭعول حالقى ءالى كۇنگە دەيىن كوشپەندىلىكپەن اينالىسادى. بىزدە 3 ميلليون حالىق بولسا، ونىڭ جارتىسىنا جۋىعى كوشپەندىلىك ءداستۇرىن ساقتاپ كەلەدى. قازاقستاننىڭ اتا- بابا ءداستۇرىن وسىنداي زاماناۋي ءارى حالىقارالىق دەڭگەيدە دارىپتەۋى قۇپتارلىق ءىس. سەبەبى ۇلتتىق قۇندىلىقتى ۇمىتپاۋ كەرەك. جانە موڭعوليا وكىلدەرى ەندىگى ۋاقىتتا فەستيۆالگە تۇراقتى تۇردە قاتىسادى دەپ سەنەمىن» ، - دەدى ول.
سونداي- اق، موڭعول ەلشىسى اتالعان شارانىڭ ءەتنوتۋريزمدى دامىتۋعا وڭ اسەرىن تيگىزەتىنىن تىلگە تيەك ەتتى. بۇعان دەيىن حابارلاعانىمىزداي ەلوردادا «Kóshpendiler Álemى» حالىقارالىق ەتنوفەستيۆالى ءوتىپ جاتىر. وعان 11 ەلدەن 200 گە جۋىق وكىل قاتىسۋدا.