ق ر پرەزيدەنتى: تابىسى تومەن ازاماتتارعا زايم بەرۋگە تىيىم سالۋ كەرەك
بۇل تۋرالى بۇگىن اقوردادا ب ا ق وكىلدەرىنە ق ر پرەزيدەنتىنىڭ سىيلىقتارى مەن گرانتتارىن تابىستاۋ راسىمىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«تۇتىنۋشىلىق كرەديت توڭىرەگىندە ورىن الىپ وتىرعان جاي قايتالانباۋى ءتيىس. ونىڭ الدىن الۋ ءۇشىن ۇلتتىق بانك رەتتەۋشىلىك سيپاتتاعى قاتاڭ شارالار قابىلداۋعا، قارجى ۇيىمدارىنىڭ توتەنشە تاۋەكەلدەردى ءوز موينىنا الۋى ءۇشىن جاۋاپكەرشىلىكتى كۇشەيتۋگە ءتيىس. تابىسى كۇنكورىس شەگىنەن تومەن ازاماتتارعا زايم بەرۋگە تىيىم ەنگىزۋ قاجەت»، - دەدى ق ر پرەزيدەنتى.
مەملەكەت باسشىسىنىڭ اتاپ وتۋىنشە، مۇنداي شارا ولاردىڭ قارجىلىق جاعدايلارىن ودان ارى تومەندەتپەۋ ءۇشىن قابىلدانۋى قاجەت.
«ۇلتتىق بانك كەپىلسىز تۇتىنۋشىلىق زايمداردى رەتتەۋ بويىنشا قوسىمشا شارالاردى قابىلداۋى قاجەت»، - دەدى ق. توقايەۆ.