ونەر يەلەرى جارىلىستان زارداپ شەككەن ارىستىقتارمەن كەزدەسىپ، ورتالىق مەشىتكە جايعاسقان جۇرتپەن تىلدەستى، دەپ حابارلايدى قازاقپارات ءتىلشىسى.
ەلىمىزدىڭ مادەنيەت جانە سپورت مينيسترلىگى ۇيىمداستىرعان قايىرىمدىلىق شاراسى بارىسىندا ورىنداۋشىلار قالاداعى ەۆاكۋاتسيالىق پۋنكتتەردە بولىپ، ابدىراپ قالعان جۇرتقا قولداۋ كورسەتتى. ارىستىقتارعا كومەك كورسەتۋ ءۇشىن اشىلعان قايىرىمدىلىق قورىنا ارىپتەستەرى بەرىپ جىبەرگەن قارجىنى اۋداردى.
ءوز كەزەگىندە «مۋزارت» توبىنىڭ ءانشىسى ساكەن مايعازيەۆ وسىنداي قيىن ساتتە قولداۋ كورسەتۋ - ءار قازاقستاندىقتىڭ بورىشى ەكەنىن اتاپ ءوتتى. انشىلەر ارىستىق ازاماتتارعا وسىلايشا العاشقىلاردىڭ ءبىرى بولىپ كومەك قولىن سوزىپ، قايىرىمدىلىق شاراسىن ۇيىمداستىردى.