باتامەنەن ەل كوگەرەر: نۇرسۇلتان نازاربايەۆتىڭ كوپشىلىككە بەيمالىم ۆيدەوسى جاريالاندى
11:53, 23 - ماۋسىم 2019
نۇر-سۇلتان. قازاقپارات - پرەزيدەنت تەلەراديوكەشەنى ەلباسى نۇرسۇلتان نازاربايەۆتىڭ كوپشىلىككە بەيمالىم ۆيدەوسىن جاريالادى، دەپ حابارلايدى قازاقپارات كەشەننىڭ Instagram پاراقشاسىنا سىلتەمە جاساپ.
تەلەراديوكەشەن ەلباسىنىڭ 90جىلدارداعى ەل ىشىندەگى ءىس ساپارلارىنان ۇزىندىلەر جاريالاعان. ۆيدەودا تۇڭعىش پرەزيدەنتتىڭ اقساقالداردان باتا العان ساتتەرى كورىنىس تاپقان.
«باتامەنەن ەل كوگەرەر دەمەكشى، باتا بەرۋ - باعا جەتپەس قۇندىلىعىمىز جانە ءداستۇرىمىز. سونداي ىزگى جانە ماعىناسى زور باتالاردىڭ ءبىرى - ەل باسشىسىنا بەرىلەتىن باتا بوپ سانالادى. مىنەكەي، وسىنداي تاريحي وقيعانىڭ كينوحرونيكاسى تەلەراديوكەشەننىڭ جاڭا جوباسى - «ليدەر ەپوحي نەزاۆيسيموستي» اتتى دەرەكتى فيلمىندە ءوز ورنىن تاپقان.
مۇندا جەرگىلىكتى اقساقالداردىڭ رەسپۋبليكانىڭ جاڭا باسشىسىنا باتا بەرگەن ساتتەرى بەينەلەنگەن» دەلىنگەن جازبادا.