بۇل تۋرالى «موي گورود» پورتالى حابارلايدى.
قارلىعاش نىعمەتوۆاعا جالپى سالماعى 6 كەلى بولاتىن كەڭەس زامانىنداعى 4 ۇتىكتى دەنەسىندە 40 مينۋت ۇستاپ تۇرۋدىڭ تۇك قيىندىعى جوق. ونىڭ سوزىنشە، تۇڭعىشىن بوسانعاننان كەيىن قولىنىڭ شانشىپ اۋىراتىنىن سەزىپتى.
«ءبارى 26 جاسىمدا باستالدى. سول كەزدە ۇلكەن قىزىم ومىرگە كەلگەن ەدى. دارىگەرلەر مويىن جانە بەل ومىرتقاسىنىڭ وستەوحوندروزى دياگنوزىن قويدى. مەن ولارعا سەنبەي، ەمشىلەرگە باردىم. ولار ماعان بيوماگنيتيزمدى دامىتۋعا كەڭەس بەردى. ءار ادامنىڭ ومىرلىك كۇش- قۋاتى، بيوقۋاتى بولادى. ادام ورگانيزمىنىڭ مۇمكىندىكتەرى شەكسىز عوي. الايدا، وكىنىشكە وراي، ونى بارلىعى تۇسىنە بەرمەيدى. مۇنداي قابىلەتىم بار ەكەنىن تۇسىنگەننەن كەيىن، ءوزىمدى دامىتىپ، ادامدارعا پايدالى بولا الاتىنىمدى ۇقتىم. مەن قازاقستاننىڭ دەنساۋلىق ساقتاۋ مينيسترلىگىنىڭ مويىنداۋىنا يە بولدىم. مەملەكەتتىك ليسەنزيا الدىم. مەديتسينالىق ءبىلىمىم جوق» ، - دەيدى ايەل.
قارلىعاش نىعمەتوۆا مەتالل زاتتاردى تارتا الاتىن قابىلەتى ءۇشىن قازاقستاننىڭ رەكوردتار كىتابىنا ەنگەن. قازىر ايەل دەنەسىندە 10 كەلىگە دەيىن مەتالل زاتتى ۇستاپ تۇرا الادى. ەندىگى ول گيننەستىڭ رەكوردتار كىتابىنا ەنۋدى جوسپارلاۋدا.
قارلىعىش نىعمەتوۆا ەل قاتارلى ءومىر سۇرەدى، سپورتپەن اينالىسىپ، ادامداردى ەمدەيدى. ول - ەكى قىزدىڭ اناسى. بۇگىندە ءۇش نەمەرەسى بار.