بۇل تۋرالى بۇرىننان بەرى اڭگىمە قوزعالىپ جۇرگەنىمەن، تەك ەندى عانا بۇل باستاما پارلامەنت قاراۋىنا شىعارىلدى. ەگەر وسى جوبا دەپۋتاتتاردىڭ قولداۋىن تاپسا، يران قارجى جۇيەسىندە ا ق ش ۆاليۋتاسىن پايدالانبايدى.
تەگەران كورشى ەلدەردى دە وسىنداي قادام جاساۋعا شاقىرىپ وتىر. وسىدان ەكى اي بۇرىن يران پارلامەنتىنىڭ دەپۋتاتتارى مەجليس سپيكەرىنە سىرتقى جانە ىشكى ساۋدادا دوللار قولدانۋعا تولىق تىيىم سالۋ باستاماسىن ۇسىنعان بولاتىن. ەل تۇرعىندارىنا قولداعى بار ا ق ش ۆاليۋتاسىن ريالعا اۋىستىرۋعا جەتكىلىكتى مەرزىم بەرىلدى. رەسەي، قىتاي، تۇركيا جانە ءۇندىستان حالىقارالىق ەسەپتەسۋلەرىندە دە بىرتىندەپ دوللار قولدانۋدان باس تارتا باستادى.
نادجمودين احماند، ەكونوميست:
- بۇل ەل ەكونوميكاسىنا جانە يراننىڭ سىرتقى ساۋداسىنا زيان كەلتىرگەن جوق. تەگەران بۇرىنعىشا سەنىمدى سەرىكتەس بولىپ وتىر. بۇل - ا ق ش- تىڭ ارەكەتىنە پارا- پار جاۋاپ رەتىندەگى شارا. كوپ جىل بويى جانجالداسساق تا، دوللار قولدانىپ كەلدىك. مۇنىڭ كوڭىلگە قونبايتىنىن مويىنداۋ كەرەك.
بۇگىندە تەگەران كورشى ەلدەردى دە ءوزارا ەسەپتەسۋدە دوللاردان باس تارتۋعا شاقىرىپ وتىر. جەرگىلىكتى ساراپشىلاردىڭ پىكىرىنشە، وسىلايشا ۆاشينگتوننىڭ ايماقتاعى ەكونوميكالىق ىقپالىن السىرەتۋگە بولادى.
ماريام شوكراني، ەكونوميكالىق تالداۋشى:
- امەريكا قۋاتىنىڭ نەگىزىن دوللار دا قۇرايتىنى بەلگىلى. ۆاشينگتون قيمىلى ەكونوميكالىق قىسىم دەپ بەكەر اتاپ جۇرگەن جوق، ويتكەنى بۇل سانكسيالاردىڭ بارلىعى ءبىر ادامعا ەمەس، قاراپايىم يراندىقتاردىڭ تۇرمىسىنا كەرى اسەر تيگىزىپ وتىر. وكىنىشكە قاراي، جاڭا تاريحىمىزدا وسىعان ۇقساس جاعدايلار بولعان، ءبىراق يران مۇنداي قىسىمعا كونبەيدى.
ال امەريكا قۇراما شتاتتارى يراننىڭ بۇل قادامىنا الاڭدار ەمەس. بەدەلدى قارجىلىق ساراپشىلار سوڭعى كەزدە دوللار باعامى تومەن تۇسكەنىن مويىنداسا دا، ۇرەيلەنۋگە نەگىز جوق دەيدى. بۇكىل الەمنىڭ جالپى ىشكى ونىمىندە ا ق ش ۇلەسى 22 پروتسەنتتى قۇرايدى، سونداي- اق حالىقارالىق ساۋدا- ساتتىقتىڭ % 80 استامى دوللارمەن جۇرەدى. وسىنداي كورسەتكىشتەرى بار امەريكانىڭ ۆاليۋتاسىن قۇلدىراتۋ وڭاي شارۋا ەمەس.
www.24.kz