«گولوۆكين رينگتە مەنىڭ ۇيرەتكەندەرىمدى ىستەي بەرەدى. بۇل گەننادي گولوۆكين. بۇل جىگىت ءبىزدىڭ زالدان شىققان ءونىم. بالكىم، بەنكس ەكەۋىنە ۋاقىت قاجەت شىعار. ءبىراق ءبىر-ەكى جەكپە-جەك ەمەس، بۇل پروتسەسكە بىرنەشە جىل قاجەت. باپكەر ءوز ستيلىن ءسىڭدىرۋى ءۇشىن ۋاقىتقا ءزارۋ»، - دەيدى سانچەس.
ەسكە سالايىق، بيىلعى ءساۋىر ايىندا ورتا سالماقتاعى بۇرىنعى الەم چەمپيونى گەننادي گولوۆكين مەكسيكالىق باپكەرى ابەل سانچەسپەن جۇمىسىن توقتاتقان بولاتىن. GGG وسىعان قاتىستى مالىمدەمەسىندە سىپايىلىق ساقتاعان بولسا، ا. سانچەس ب ا ق- قا سۇحباتىندا ءوز ىزاسىن جاسىرا المادى.