شىعىس قازاقستاندا اۋقىمدى سپورت پەن ونەر فەستيۆالى باستالدى

وسكەمەن. قازاقپارات - ىرعىزباي دوسحانا ۇلىنىڭ تۋعان جەرىندە ءوتىپ جاتقان «تۇعىرى بيىك تارباعاتاي» حالىقارالىق فەستيۆالى الەمنىڭ ءار تۇكپىرىنەن كەلگەن سپورتشىلار مەن ءتىل جۇيرىكتەرىنىڭ باسىن قوستى، دەپ حابارلايدى قازاقپارات.

فەستيۆال اياسىندا ءۇشىنشى وبلىستىق اقساقالدار فورۋمى ءوتتى. 14 ماۋسىم كۇنى شىعىس قازاقستان وبلىسىنىڭ اكىمى دانيال احمەتوۆ تارباعاتاي اۋدانىنا كەلىپ، اقساقالدارمەن كەزدەستى. ايماعىمىزدىڭ بارلىق اۋدان مەن قالالارىنان 50 اقساقال كەلىپ، جاستار تاربيەسى مەن قازاق ەلىنىڭ سالت- ءداستۇرىن دارىپتەۋ ماسەلەلەرىن تالقىلادى.

فەستيۆال اياسىندا جەتى جىل قاتارىنان قازاقشا كۇرەستەن گران-پري حالىقارالىق تۋرنيرىن وتكىزۋ داستۇرگە اينالىپ وتىر. بيىل 30 مەملەكەتتەن بالۋاندار كۇش سىناستى. ءبىرىنشى كۇنى بالۋاندار سالماق ولشەۋدەن ءوتىپ، 70, 80 جانە 80 كەلىدەن جوعارى سالماقتا سىنعا ءتۇستى.

«حالىقارالىق گران-پريگە بىرنەشە جىل قاتارىنان قاتىسىپ كەلەمىز. وسى جولى وزبەكستاننىڭ 3 چەمپيونى 70 جانە 90 كەلى سالماقتا ەلىمىزدىڭ نامىسىن قورعايدى. بۇگىن مىقتىلار انىقتالادى. بارلىق قاتىسۋشىلارعا جەڭىس تىلەيمىز»، - دەدى وزبەكستان كومانداسىنىڭ وكىلى شاۆكات ميرزاكۋلوۆ.

وبلىس اكىمى باسشىسى قازاق كۇرەسىنەن سپورتتىق جارىس كوشپەندىلەردىڭ حالىقارالىق ويىندارىنا ەنگىزۋ قاجەتتىلىگىن اتاپ ءوتتى.

ايتا كەتسەك، بۇگىن اقسۋات اۋىلىندا قازاق كۇرەسىنەن الەمنىڭ 90 سپورتشىسى ۇلكەن دوداعا تۇسەدى. العاش رەت جارىسقا يتاليانىڭ سپورتشىلارى قاتىسادى.

سونىمەن قاتار «Qazaq promotion»  كومپانياسىنىڭ جانە ايگىلى بوكسشى قانات يسلامنىڭ ۇيىمداستىرۋىمەن كاسىپقوي بوكستان تۋرنير وتەدى.