باس پروكۋراتۋرا ەل تۇرعىندارىن مەملەكەت زاڭدارىن ساقتاۋعا شاقىردى
ايتا كەتەيىك، باس پروكۋراتۋرا وسىعان دەيىن زاڭسىز ميتينگىلەردى، شەرۋلەردى ۇيىمداستىرۋعا جانە قاتىسۋعا جول بەرىلمەيتىندىگىن تۇسىندىرگەن بولاتىن.
«وسىعان قاراماستان، الەۋمەتتىك جەلىلەردە جەكەلەگەن ادامدار ەلىمىزدىڭ ءىرى قالالارىندا وسىنداي اكسيالاردى وتكىزۋگە ارانداتۋشى شاقىرۋلار تاراتۋىن جالعاستىرۋدا. قۇقىقتىق ءتارتىپ ورگاندارىنىڭ قىزمەتكەرلەرىنە كۇش كورسەتۋگە جانە تىرشىلىكتى قامتاماسىز ەتۋ وبەكتىلەرىنىڭ جۇمىسىنا كەدەرگى كەلتىرۋگە يتەرمەلەۋدە. باس پروكۋراتۋرا زاڭدىلىقتى ساقتاۋعا، رۇقسات ەتىلمەگەن جاريا اكسيالار ۇيىمداستىرۋدان جانە ولارعا قاتىسۋدان تارتىنۋعا قايتا شاقىرادى» ، - دەلىنگەن باس پروكۋراتۋرانىڭ حابارلاماسىندا.
سونداي- اق وندا وسى قۇقىققا قايشى ءىس- ارەكەتتەرگە قاتىسى بار ادامدارعا قۇقىق قورعاۋ ورگاندارى قولدانىستاعى زاڭناما شەڭبەرىندە قىلمىستىققا دەيىنگى، ەڭ قاتاڭ جاۋاپكەرشىلىك شارالارىن قولداناتىندىعى ايتىلعان.