ق ر ۇلتتىق بانك ءتوراعاسى تەڭگە باعامىنا اسەر ەتەتىن فاكتورلاردى اتادى

نۇر-سۇلتان. قازاقپارات - ق ر ۇلتتىق بانك ءتوراعاسى ەربولات دوسايەۆ تەڭگە باعامىنا اسەر ەتكەن فاكتورلاردى اتاپ ءوتتى، دەپ حابارلايدى قازاقپارات ءتىلشىسى.

ونىڭ ايتۋىنشا، 2019 -جىلدىڭ مامىر ايىندا ايلىق ينفلياتسيا %0,6 قۇرادى. ال جىلدىق ينفلياتسيا %5,3 دەيىن كوتەرىلگەن.

«سوڭعى ۋاقىتتا ىشكى ۆاليۋتا نارىعىنداعى جاعدايعا مۇنايدىڭ الەمدىك باعاسى كوپ ىقپال ەتتى. 27 -مامىر مەن 5 -ماۋسىم ارالىعىندا مۇناي باعاسى 60,6 دوللارعا دەيىن شامامەن  تومەندەدى. الايدا سوڭعى ەكى كۇندە مۇناي باعاسى وزگەردى، بۇگىن 62,3 دوللار بولدى. بۇعان ا ق ش پەن مەكسيكانىڭ زاڭسىز كوشى-قوندى باقىلاۋدى كۇشەيتۋ تۋرالى كەلىسىمگە كەلۋى اسەر ەتتى. سونىمەن بىرگە، 2019 -جىلدىڭ ەكىنشى جارتسىندا مۇناي ەكسپورتتاۋشى ەلدەر ۇيىمى ءوز كەلىسىمىن ۇزارتۋى مۇمكىن. سالدارىنان 27 -مامىر مەن 5 -ماۋسىم ارالىعىندا تەڭگە باعامى %1,3 السىرەدى»، - دەپ اتاپ ءوتتى ەربولات دوسايەۆ ۇكىمەت وتىرىسىندا.

بانك باسشىسى جاعدايدىڭ تۇراقتالعانىن، 5-10 -ماۋسىم كۇندەرى ۇلتتىق ۆاليۋتانىڭ %0,3 نىعايعانىن جەتكىزدى.

سونىمەن بىرگە، ە. دوسايەۆ ۇلتتىق بانكتىڭ بازالىق ستاۆكانى %9 دەڭگەيىندە ساقتاپ قالاتىنىن مالىمدەدى.