الماتىدا ويىن- ساۋىق نىساندارىنىڭ سانى وسكەن
پورتالدىڭ حابارلاۋىنشا، ءبىر جىل ىشىندە قازاقستانداعى ءىرى كاسىپورىنداردىڭ سانى 3,9 پايىزعا كوبەيگەن.
«2019 -جىلدىڭ ساۋىرىندەگى اقپارات بويىنشا ەلدەگى ءىرى كاسىپورىندار سانى 2,46 مىڭعا جەتتى. بىلتىر وسى ۋاقىتتا قازاقستان بويىنشا 2,38 مىڭ ءىرى كاسىپورىن بولعان. اسىرەسە اتىراۋ وبلىسىندا ءوسىم جوعارى. ءبىر جىلدىڭ ىشىندە 120 كاسىپورىن تىركەلگەن. ەكىنشى ورىنعا ماڭعىستاۋ وبلىسى، ءۇشىنشى ورىنعا نۇر- سۇلتان قالاسى تۇراقتاعان»، - دەلىنگەن اقپاراتتا.
جەمىستى جۇمىس ىستەپ تۇرعان ءىرى بيزنەس نىساندارى ەڭ كوپ تىركەلگەن قالا الماتى بولىپ وتىر. مۇندا 537 ءىرى كومپانيانىڭ تاسى ورگە دومالاپ تۇر. ەڭ قىزىعى، جاڭادان تىركەلگەن ءىرى كومپانيالاردىڭ اراسىندا ونەر مەن ويىن- ساۋىق، دەمالىس نىساندارىنىڭ ۇلەسى باسىم. ءبىر جىلدا اتالمىش ساناتتاعى 43 كاسىپورىن اشىلىپ، جالپى سانى 22,9 پايىزعا وسكەن.
اكىمشىلىك جانە قوسالقى قىزمەت كورسەتۋ (132)، تاماقتانۋ جانە باسپاناعا ورنالاستىرۋ (36) قىزمەتىنە قاتىستى كاسىپورىنداردىڭ سانى دا ارتىپ وتىر.
ەسىمجان ناقتىباي