مەملەكەتتىك حاتشى مارات ءتاجين داۋىس بەردى

مەملەكەتتىك حاتشى جۇبايىمەن بىرگە ق ر ۇلتتىق كىتاپحاناسىندا ورنالاسقان №111-سايلاۋ ۋچاسكەسىنە كەلدى.

 ايتا كەتەيىك، №111-سايلاۋ ۋچاسكەسىندە 4661 تۇرعىن تىركەلگەن. ولاردىڭ 2 مىڭعا جۋىعى العاشقى بەس ساعاتتا (ساعات 12.00-گە دەيىن) داۋىس بەرىپ ۇلگەردى.

ودان بولەك، ۋچاسكەدە پارتيادان - 2 بايقاۋشى، قوعامدىق ۇيىمداردان - 5 بايقاۋشى، سەنىمدى وكىلدەر - 3، ب ا ق - 13 جۋرناليست بار. حالىقارالىق بايقاۋشىلار رەتىندە ب ۇ ۇ (3) جانە ە ق ى ۇ (5) وكىلدەرى كەلدى.

اتالعان ۋچاسكەدە ق ر مادەنيەت جانە سپورت ءمينيسترى ارىستانبەك مۇحامەدي ۇلى، «Nur Otan»  پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ، ق ر پرەزيدەنتتىگىنە ۇمىتكەر امانگەلدى تاسپيحوۆ، ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين داۋىس بەردى.

ق ر پرەزيدەنتىنىڭ كەزەكتەن تىس سايلاۋىندا ەل ىشىندە جانە شەت ەلدەردە 9968 داۋىس بەرۋ ۋچاسكەسى جۇمىس ىستەۋدە. سايلاۋ تۋرالى كونستيتۋتسيالىق زاڭعا سايكەس، داۋىس بەرۋ ۋاقىتى ستاندارتتى (ساعات 7.00-20.00 ارالىعى) بولادى. باتىس قازاقستان، اقتوبە، اتىراۋ، ماڭعىستاۋ، قىزىلوردا وبلىستارىندا ۋاقىت ايىرماشىلىعىنا بايلانىستى سايلاۋ ۋچاسكەلەرى جەرگىلىكتى ۋاقىت بويىنشا ساعات 07.00-دە - نۇر-سۇلتان ۋاقىتى بويىنشا ساعات 08.00-دە اشىلدى.