گولوۆكين وسى جەكپە-جەك ءۇشىن 2 ميلليون دوللار، ال روللس 300 مىڭ دوللار كەپىلدەندىرىلگەن گونورار بەلگىلەنگەن. الايدا گولوۆكين وسى ايقاسى ارقىلى 15 ميلليون دوللار تابىس تابادى دەپ بولجانۋدا.
گولوۆكين - روللس كەزدەسۋى 9 -ماۋسىم كۇنى «Madison Square Garden» ارەناسىندا وتەدى. باستالۋى نۇر-سۇلتان قالاسىنىڭ ۋاقىتىمەن ساعات 9.00-دە. قازاقستاندىقتار تىكەلەي ءەفيردى «Qazsport» جانە «Qazaqstan» تەلەارنالارىنان كورە الادى. WBA Super، WBC، IBF جانە IBO نۇسقالارى بويىنشا ورتا سالماقتاعى الەمنىڭ ەكس-چەمپيونى GGG ءۇشىن بۇل، DAZN ستريمينگىلىك پلاتفورماسىنداعى العاشقى جەكپە-جەك بولادى. قازاقستاندىق بوكسشىنىڭ DAZN- مەن 100 ميلليون دوللارلىق كەلىسىمشارتى جونىندە بۇعان دەيىن جازعان بولاتىنبىز.