ەۆەرەست شىڭى قوقىسقا تولىپ كەتكەن

 نۇر-سۇلتان. قازاقپارات - الپينيستەر ەۆەرەستتەن بىرنەشە توننا قوقىس پەن ساياحاتشىلاردىڭ مۇردەسىن تاپقان.

تاۋدا جينالىپ قالعان قوقىستاردى تازالاعان 20 شەرپ (ەۆەرەست اينالاسىندا ءومىر سۇرەتىن تيبەتتىكتەردى وسىلاي اتايدى) 11 توننا قوقىس جيناپ، 4 ادامنىڭ مۇردەسىن تاۋىپ العان. الپينيستەردىڭ ايتۋىنشا، ولار قار استىندا قالىپ قويىپ، قار ەرىگەننەن سوڭ شىققان. شەرپتەر شىڭ اينالاسى پادالانىلعان وتتەگى باللوندارى، سىنىپ قالعان ساتى، پلاستيك ىدىستارعا تولىپ كەتكەنىن ايتادى. ەسكە سالا كەتەيىك، بيىل ەۆەرەستتە قازا بولعانداردىڭ سانى جىلداعىدان كوپ بولىپ تۇر. ءار جىلى ەۆەرەستتى باعىندىرعىسى كەلەتىندەر گيمالايعا ناۋرىز بەن مامىر ارالىعىندا جينالادى. سەبەبى ءدال وسى ۋاقىتتا ەۆەرەستتە اۋا رايى جايماشۋاق بولىپ، جاڭبىر مەن قار دا از جاۋادى. ءبىراق بيىل، گيمالايدا اۋا رايى جىلداعىداي بولماي، ءجيى بوران سوعىپ، قار كوپ تۇسكەن. سونىڭ كەسىرىنەن دجومولۋنگماعا شىعۋ جولىندا ۇزاق كەزەك پايدا بولعان.

 ال، الپينيستەر تاۋ باسىندا وزدەرى ەسەپتەگەننەن دە ۇزاقتاۋ قالىپ قويعان. جىل سايىن ارمان ارقالاپ بارعانداردىڭ كەمىندە ون شاقتىسى قايتپاي قالىپ جاتادى. ال بيىل ەۆەرەست شىڭىن باعىندىرۋ جولىندا قايتىس بولعانداردىڭ سانى تىپتەن كوپ. نەپال ۇكىمەتىنىڭ حابارلاۋىنشا، بيىلعى ناۋرىز بەن مامىر ارالىعىندا 20 الپينيست قازا تاۋىپتى.

Massaget.kz