كورەيالىق تۋريستەردى قازاقستاندا نە قىزىقتىرادى
ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتى بويىنشا، قازاقستان مەن كورەيا اراسىندا كورسەتكىشتەردىڭ تۇراقتى ءوسىمى بايقالادى.
«اتاپ ايتقاندا، قازاقستانعا كورەيادان كەلەتىن تۋريستەردىڭ سانى 2018 -جىلى 15 پايىزدىق ءوسىمدى كورسەتتى (2017 -جىلعى كورسەتكىشپەن سالىستىرعاندا) . ناقتىراق ايتقاندا، بىلتىر ول مەملەكەتتەن ەلىمىزگە 35135 ادام كەلگەن. قازاقستاننان كورەياعا باراتىن تۋريستەردىڭ دە سانى ارتۋدا. ماسەلەن، 2018 -جىلى قازاقستاننان كورەياعا 46899 ادام بارعان» ، - دەلىنگەن كومپانيانىڭ حابارلاماسىندا.
وتكەن جىلى كورەيا رەسپۋبليكاسى كوشپەلى تۋريزمگە 30,6 ميلليون دوللار اقشا ءبولىپ، تۋريستىك سالاعا جۇمساعان بۇل شىعىن بويىنشا الەمدە توعىزىنشى ورىننان كورىنگەن.
« ءار جىلدىڭ قىركۇيەك نەمەسە قازان ايلارىندا كورەيادا چۋسوك (Chuseok, ۇزاقتىعى 3 كۇن) مەرەكەسى تويلانادى. ال قىسقى ۋاقىتتا كانيكۋلدار ول ەلدە جەلتوقسان نەمەسە قاڭتار ايىنا ءدوپ كەلەدى. اي كۇنتىزبەسى بويىنشا كورەيادا جاڭا جىل اقپان ايىندا اتالىپ وتەدى. مىنە، ءدال وسى ۋاقىتتا كورەيادان شىعاتىن تۋريستەردىڭ سانى ارتادى» ، - دەلىنگەن حابارلامادا.
كورەيالىقتار كوبىنەسە قازاقستاننىڭ گولف- تۋرلارىنا قىزىعادى ەكەن. سەبەبى، گولف سپورتى ول ەلدە ايتارلىقتاي دامىعان. كورەيا ەلىنىڭ ازاماتتارى، سونداي- اق شارىن شاتقالىن، كولسايدى، قايىڭدىنى كورگىسى كەلەدى. ەكىنشىدەن، شاڭعى تەبۋگە دە قىزىعۋشىلىقتارى ەرەكشە.
«6-9 - ماۋسىم كۇندەرى مادەنيەت جانە سپورت مينيسترلىگىنىڭ تۋريزم يندۋسترياسى سەۋلدەگى SITIF 2019 (Seoul International Tourism Industry Fair 2019) كورمەسىندە وتاندىق ءۇش وپەراتوردىڭ كومەگىمەن قازاقستاندىق ستەندتى پاش ەتتى. قازاقستاندىق ستەند قوناقتارى قۇرتتان كوكتەيل ازىرلەۋدى ۇيرەنەدى. سونىمەن بىرگە، قازاقستاندىق تۋروپەراتورلار الەۋەتتى كليەنتتەرمەن В2В كەزدەسۋلەرىن وتكىزۋدە» ، - دەپ حابارلادى ۇلتتىق كومپانيادان.
بيىل سەۋل قالاسى مەن Korea World Travel Fair كومپانياسىنىڭ اكىمشىلىگى بىرلەسە وتىرىپ Seoul International Tourism Industry Fair كورمەسىن وتكىزىپ جاتىر. كورمەگە الەمنىڭ 50 ەلىنەن 1400 گە تارتا ۇيىم مەن تۋريستىك كومپانيالاردىڭ وكىلدەرى قاتىسۋدا.