ەلميرا سۋحانبەرديەۆاعا قانداي ايىپتار تاعىلىپ وتىر

نۇر-سۇلتان. قازاقپارات - ق ر ءبىلىم جانە عىلىم ۆيتسە-ءمينيسترى ەلميرا سۋحانبەرديەۆانىڭ ۇستىنەن بىرنەشە فاكتى بويىنشا سوتقا دەيىنگى تەرگەۋ باستالدى.

بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى جاننا باستاروۆا ايتتى، دەپ حابارلايدى قازاقپارات ءتىلشىسى.

«سىبايلاس جەمقورلىققا قارسى ءىس-قيمىل بيۋروسىمەن ءبىلىم جانە عىلىم ۆيتسە-مينيسترىنە قاتىستى لاۋازىمدىق وكىلەتتىكتەرىن تەرىس پايدالانۋ، پارا الۋ، كاسىپكەرلىك قىزمەتكە زاڭسىز ارالاسۋ فاكتىلەرى بويىنشا سوتقا دەيىنگى تەرگەۋ باستالدى. سوت سانكسياسىمەن ءبىلىم جانە عىلىم ۆيتسە-مينيسترىنە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى قابىلداندى. تەرگەۋ جالعاسۋدا. وزگە اقپارات قر قىلمىستىق پروتسەستىك كودەكسىنىڭ 201 بابىنا سايكەس جاريا ەتۋگە جاتپايدى. كۇدىكتىگە قاتىستى تۇپكىلىكتى شەشىم ونىڭ كىناسىنىڭ دارەجەسىن انىقتاۋمەن سوتپەن شىعارىلادى»، - دەدى جاننا باستاروۆا.

ونىڭ دەرەگىنشە، ەلميرا سۋحانبەرديەۆاعا ق ر قىلمىستىق كودەكستىڭ 361، 364 جانە 366 -باپتارى بويىنشا ايىپ تاعىلعان.

ايتا كەتەيىك، بۇگىن نۇر-سۇلتان قالالىق سوتىنىڭ باسپا ءسوز قىزمەتى ق ر ءبىلىم جانە عىلىم ۆيتسە-ءمينيسترى ەلميرا سۋحانبەرديەۆانىڭ 2 ايعا قاماۋعا الىنعانىن راستاعان بولاتىن.

بۇعان دەيىن سىبايلاس جەمقورلىققا قارسى ءىس-قيمىل ۇلتتىق بيۋروسى ءبىلىم جانە عىلىم ۆيتسە-مينيسترىنە قاتىستى سوتقا دەيىنگى تەرگەۋ امالدارىن باستالعاندىعىن حابارلاعان ەدى.