قازاقستاندىق كوللەدج تۇلەكتەرىنىڭ جۇمىسقا ورنالاسۋى قالاي

نۇر-سۇلتان. قازاقپارات - قازاقستاندىق كوللەدج تۇلەكتەرىنىڭ جۇمىسپەن قامتىلۋىنا تۇراقتى مونيتورينگ جۇرگىزىلەدى.

بۇل تۋرالى ق ر ب ع م تەحنيكالىق جانە كاسىپتىك ءبىلىم دەپارتامەنتىنىڭ مازمۇن جانە ادىستەمەسى باسقارماسىنىڭ باسشىسى قالامقاس العازينا ايتىپ بەردى.

«سوڭعى وقۋ جىلىندا كوللەدج تۇلەكتەرىنىڭ r جۇمىسقا ورنالاسقان. ستۋدەنتتەردىڭ جۇمىسپەن قامتىلۋى شىلدە ايىنان باستاپ باقىلاۋعا الىنادى. جۇمىسقا ورنالاسقان ستۋدەنتتەردىڭ زەينەتاقى اۋدارىمدارى بار. ياعني، كوللەدج تۇلەكتەرىنىڭ 72 پايىزى ب ج ز ق ارقىلى جۇمىسقا ورنالاسقاندارىن راستادى»، - دەدى قالامقاس العازينا ق ر ب ع م ۇيىمداستىرعان باسپا ءسوز تۋرىندا.

سونىمەن بىرگە، باسقارما باسشىسى «جاس مامان» جوباسى اياسىنداعى 100 جاڭا ماماندىق تۋرالى ايتىپ بەردى.

«مۇندا روبوتوتەحنيكا، IT- تەحنولوگيالار سىندى تەحنيكالىق ماماندىقتارعا باسىمدىق بەرىلەدى. سونىمەن بىرگە، «تىگىنشى» ماماندىقتارى دا نازاردان تىس قالمايدى. بۇل ماماندىقتار بويىنشا «جاس مامان» جوباسىنا قاتىساتىن كوللەدجدەر وقىتادى. جاڭا وقۋ جىلىنان باستاپ، ءار وبلىستا ونعا جۋىق كوللەدج جاڭا ماماندىقتاردى وقىتادى. بۇل جاڭا ماماندىقتاردى ق ر ەڭبەك جانە حالىقتى الەۋمەتتىك قورعاۋ مينيسترلىگى بەكىتەدى»، - دەپ اتاپ ءوتتى سپيكەر.

قازىرگى ۋاقىتتا قازاقستاندا 821 كوللەدج جۇمىس ىستەيدى. ونىڭ 479 ى مەملەكەتكە قاراستى.

جىل سايىن ەلىمىزدە 144 مىڭ تۇلەك كوللەدجدەردى ءبىتىرىپ شىعادى.