ۇلى بريتانيادا ەلباسى تۋرالى «ۋاقىت تاڭداۋى» فيلمى كورسەتىلدى
ءىس- شارانى ق ر تۇڭعىش پرەزيدەنتى قورى قازاقستاننىڭ لوندونداعى ەلشىلىگى مەن بريتان- قازاقستان قوعامىنىڭ قولداۋىمەن ۇيىمداستىردى.
BAFTA - الەم كينەماتوگرافياسىنىڭ بەدەلدى ورتالىقتارىنىڭ ءبىرى، كينوونەر سالاسىندا جەتكەن جەتىستىكتەرى ءۇشىن جىل سايىن ونەر يەلەرىنە بەرىلەتىن سىيلىق. ول «التىن گلوبۋس» جانە «وسكار» سىيلىقتارىمەن پارا- پار.
ق ر تۇڭعىش پرەزيدەنتى- ەلباسى قورىنان ءمالىم ەتكەندەي، شاراعا قۇرمەتتى قوناق رەتىندە بريتاندىق رەسمي تۇلعالار، لوردتار جانە قاۋىمدار پالاتاسىنىڭ مۇشەلەرى، سىرتقى ساياسات جانە قاۋىپسىزدىك سالاسىنداعى جەتەكشى حالىقارالىق ساراپشىلار، شەت ەلدەردىڭ ەلشىلەرى مەن ديپلوماتتار قاتىستى.
كينوكورسەتىلىمگە وكسفورد، كەمبريدج زەرتتەۋشىلەرىنەن بولەك، ۆەنا مەن نيۋ- يوركتەن ساياساتكەرلەر كەلدى. قوناقتار الدىندا قازاقستان رەسپۋبليكاسىنىڭ بىرىككەن كورولدىكتەگى ەلشىسى ەرلان ىدىرىسوۆ، بريتان- قازاقستان قوعامىنىڭ ءتوراعاسى رۋپەرت گۋدمان، قازاقستانمەن ىنتىماقتاستىق جونىندەگى جالپى پارتيالىق پارلامەنت توبىنىڭ ءتوراعاسى، قاۋىمدار پالاتاسىنىڭ مۇشەسى بوب ستيۋارت جانە رەجيسسەر راديك كۋدوياروۆ ءسوز سويلەدى.
«ۋاقىت تاڭداۋى» دەرەكتى ءفيلمى تۇڭعىش پرەزيدەنت قورىنىڭ تاپسىرىسىمەن 2018 -جىلى قازاقستان استاناسىنىڭ 20 -جىلدىق مەرەيتويىنا وراي تۇسىرىلگەن.
ەكى سەريالى فيلمنىڭ نەگىزگى سيۋجەتى نۇرسۇلتان نازاربايەۆتىڭ جاڭا قازاقستاندىق مەملەكەتتىكلىكتىڭ قالىپتاسۋىنداعى ەرەكشە تاريحي ميسسياسىنا ارنالعان. سونداي- اق تاۋەلسىزدىكتىڭ العاشقى جىلدارىنداعى سىن- قاتەرلەر، قازاقستاننىڭ قالىپتاسقان نارىقتىق ەكونوميكاسى مەن ۇزدىك ينۆەستيتسيالىق كليماتى، ەلدىڭ جاڭا استاناسىنىڭ قۇرىلىسى باياندالادى.
الەمنىڭ الپاۋىت ەلدەرىنىڭ كوشباسشىلارى مەن ساياسي قايراتكەرلەرى قازاقستان مەن ونىڭ ەلورداسى، سونداي- اق ەلباسىنىڭ كەمەڭگەر شەشىمدەرى تۋرالى پىكىرلەر بىلدىرگەن.