گولوۆكين روللسپەن جەكپە-جەگى الدىندا باسپا ءسوز ءماسليحاتىن وتكىزدى
«Madison Square Garden»-گە قايتا ورالعانىما قۋانىشتىمىن. بۇل ءۇشىن تاعى ءبىر مۇمكىندىكتىڭ تۋعانىنا قۋانىشتىمىن. بۇل مەن ءۇشىن عانا ەمەس، بارلىق بوكس ءۇشىن تاماشا جاعداي. جانكۇيەرلەرىمە ءوز تاجىريبەمدى كورسەتەمىن. دۇرىس ايتاسىزدار، كوپ ۋاقىت رينگتەن قالىس قالدىم. ءبىراق مەن اناعۇرلىم مىقتى، اناعۇرلىق اقىلدى بولىپ ورالدىم! بارشاڭىزعا العىس ايتقىم كەلەدى، DAZN - مەن ءۇشىن ۇلكەن كەلىسىمشارت. جانىمدا سەنىمدى ادامداردىڭ بارىن سەزىنۋ كەرەمەت. روللس - مىقتى بوكسشى، بۇل قاۋىپتى سپورت. سەنبى كۇنى بۇل ناعىز ايقاس، جاڭا شوۋ بولادى!»، - دەدى گولوۆكين.
ەسكە سالايىق، گولوۆكين- روللس جەكپە-جەگى 8 -ماۋسىم كۇنى نيۋ-يورك قالاسىنداعى «Madison Square Garden» ارەناسىندا وتەدى. كەزدەسۋ ارالىق سالماق - 164 فۋنتتا وتەدى. گەننادي ءۇشىن بۇل كەزدەسۋ ەكى سەبەپپەن ەرەكشە بولماق. بىرىنشىدەن، جاڭا باپكەرى دجوناتان بەەنكسپەن العاشقى ايقاسى. ەكىنشىدەن، جۋىردا ءتيىمدى كەلىسىمشارتقا قول قويعان DAZN ستريمينگىلىك پلاتفورماسىنداعى تۇڭعىش جەكپە-جەگى.
بۇعان دەيىن بوكسشىلار نيۋ-يورك كوشەسىندە كوز ارباسۋ ءراسىمىن وتكىزدى. سونداي-اق GGG بولاشاقتاعى جوسپارىمەن بولىسكەن بولاتىن.
بوكس كەشىن قازاقستاندىقتار «Qazsport» تەلەارناسىنان تىكەلەي ەفيردەن كورە الادى. باستالۋى - 9-ماۋسىم، نۇر-سۇلتان قالاسىنىڭ ۋاقىتىمەن تاڭعى ساعات 06:00.
ايتا كەتەيىك، كەشتىڭ اندەركاردىندا قازاقستاندىقتار ءالي احمەدوۆ امەريكالىق ماركۋس ماكدەنيەلمەن (15-0، 2 ك و)، باحتيار ەيۋبوۆ ا ق ش-تىڭ تاعى ءبىر وكىلى برايان سەبالومەن (8-0, 4 ك و) كەزدەسەدى.
ءا. احمەدوۆ WBC تيتۋلى ءۇشىن سىنعا تۇسەدى.
«Qazsport» ارناسىنىڭ ديرەكتورى پاۆەل سىبۋليننىڭ ايتۋىنشا، قازاقستاندىق وزگە ەكى بوكسشىنىڭ ايقاسى ەفيرگە نەشەدە شىعاتىنى ازىرگە بەلگىسىز. «ول تەك 8 -ماۋسىم كۇنى انىق بولادى. الدىن الا مالىمەتتەر بويىنشا، ولار گەنانىڭ جەكپە-جەگى الدىندا بىرىنەن كەيىن ءبىرى ايقاساتىن بولادى. ال گولوۆكين ەفيرگە تاڭعى 9:00 جانە 9:30 ارالىعىندا شىعاتىنىن ناقتى ايتا الامىز»، - دەدى ول.