ترامپ بريتانيانىڭ ەۋرووداقتان شىعۋىنان نەندەي پايدا تاپپاق؟
دەگەنمەن، اق ءۇي باسشىسى بريتاندىق پرەمەردى «ءوز ءىسىنىڭ ناعىز مامانى» دەپ سيپاتتادى. بۇدان بولەك بىرلەسكەن باسپا ءسوز ءماسليحاتى كەزىندە ترامپ ۇلى بريتانيانىڭ پرەمەر- ءمينيسترىنىڭ لاۋازىمىنا ۇمىتكەر بوريس دجونسون مەن دجەرەمي حانتقا وڭ باعاسىن بەردى. سونداي- اق بريتانيا كۇندەردىڭ كۇنىندە ەۋرووداقتان شىعادى دەگەن سەنىمىن ءبىلدىردى.
دونالد ترامپ، ا ق ش پرەزيدەنتى:
- ۇلى بريتانيا ەۋروپالىق وداقتان شىعۋعا ازىرلەنىپ جاتقان تۇستا ا ق ش بىرىككەن كورولدىكپەن ساۋدا قاتىناسىن ودان ءارى نىعايتۋعا باسىمدىق بەرەدى. قوس ەل اراسىنداعى الىس- بەرىس بۇرىن- سوڭدى بولماعان دەڭگەيگە جەتەتىنى انىق. ساۋدا بايلانىسىن نىعايتۋعا ۇلكەن مۇمكىندىك بار. بۇعان دەيىن دە ەكى- ءۇش رەت ايتقان شىعارمىن، سايكەسىنشە ءبىز ساۋدا الەۋەتىن كۇشەيتىپ جاتىرمىز.
تەرەزا مەي، ۇلى بريتانيانىڭ پرەمەر- ءمينيسترى:
- ۇلى بريتانيانىڭ ا ق ش- پەن اراداعى قاتىناسى قوس ەل ازاماتتارىنىڭ بولاشاعى ءۇشىن اسا ماڭىزدى. قارىم- قاتىناستى بەكەمدەي تۇسۋگە ەكى مەملەكەت تە مۇددەلى. دەمەك، ءبىز بۇدان ءارى دە بايلانىستى نىعايتۋعا كۇش سالامىز.
دەسە دە، مىڭداعان لوندون تۇرعىنى دونالد ترامپقا قارسى نارازىلىق اكسياسىنا شىقتى. شەرۋ تۇتاس ءبىر تەاترلاندىرىلعان كارناۆال سىندى اسەر قالدىردى. ترامپ پەن ونىڭ ساياساتىن ۇناتپايتىن بريتاندىقتار بىلتىر دا ءدال وسىنداي شارا ۇيىمداستىرعانى بەلگىلى.
دونالد ترامپ، ا ق ش پرەزيدەنتى:
- نارازىلىق شەرۋ تۋرالى ەستىدىم. ولارىڭ قايدا دەپ تە سۇرادىم. ويتكەنى بالەندەي ەشنارسە كورە المادىم. بۇگىن شاعىن عانا ەرەۋىلدى كوزىم شالدى. بۇنىڭ بارلىعى دا جالعان جاڭالىق ءۇشىن جاسالعان.
وسىلايشا دونالد ترامپ وزىنە قاتىستى بريتاندىقتاردىڭ تەرىس قىلىعىنا كوز جۇما قارايتىنىن اڭعارتتى. ويتكەنى اق ءۇي باسشىسىنىڭ ءوز ەسەبى بار: ول قايتكەن كۇننىڭ وزىندە بىرىككەن كورولدىكپەن الىس- بەرىستى ۇدەتە ءتۇسۋدى كوزدەيدى.
بلۋمبەرگ باسپاسىنىڭ مالىمەتىنە سايكەس، ۇلى بريتانيا ءوزى وندىرگەن تاۋاردىڭ تەڭ جارتىسىن ەۋرووداققا جىبەرەدى. ال قۇراما شتاتتارعا تەك 16 پروتسەنتى عانا جەتكىزىلسە كەرەكتى. ا ق ش- پەن ساۋدا كەلىسىمىنىڭ جوباسى ءالى تولىق دايىن ەمەس. ازىرگە ول بىرىككەن كورولدىكتىڭ ەۋروپالىق وداقتان قالاي شىعاتىنىنا بايلانىستى. ەگەر لوندون مەيدىڭ جوسپارلاعانىنداي ەۋروپامەن بايلانىسىن تولىق ۇزبەسە، وندا ۇلى بريتانيا ۆاشينگتونمەن تولىققاندى ساۋدا كەلىسىمىن جاساۋى ەكىتالاي.
سونداي- اق ترامپ حۋاۆەي كومپانياسىنا قاتىستى داۋ- دامايدى ا ق ش پايداسىنا شەشۋدى كوزدەپ وتىر. ەستەرىڭىزگە سالساق، ۇلى بريتانيا ۇكىمەتى تەرگەۋ امالدارى تولىق اياقتالمايىنشا قىتايلىق كومپانياعا قولداۋ كورسەتەتىنىن بىلدىرگەن. بۇل امەريكانىڭ مۇددەسىنە قايشى. دەگەنمەن، ساپار سوڭىندا ترامپ «بۇل ماسەلەدە ەكى ەلدىڭ دە ويى ءبىر ارناعا توعىساتىنىن مالىمدەدى.
www.24.kz