رەجەپ تايىپ ەردوعان نۇرسۇلتان نازاربايەۆتى ورازا ايتپەن قۇتتىقتادى
09:03, 05 - ماۋسىم 2019
نۇر-سۇلتان. قازاقپارات - قازاقستاننىڭ تۇڭعىش پرەزيدەنتى نۇرسۇلتان نازاربايەۆ تۇركيا رەسپۋبليكاسىنىڭ پرەزيدەنتى رەجەپ تايىپ ەردوعانمەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.
اڭگىمەلەسۋ بارىسىندا رەجەپ تايىپ ەردوعان نۇرسۇلتان نازاربايەۆتى ورازا ايت مەرەكەسىمەن قۇتتىقتاپ، زور دەنساۋلىق جانە تولاعاي تابىس، ال قازاقستان حالقىنا باق-بەرەكە تىلەدى.
تاراپتار قازاقستان- تۇركيا ىنتىماقتاستىعىنىڭ، سونداي-اق وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى بويىنشا پىكىر الماستى.
تەلەفون ارقىلى سويلەسۋگە تۇركيا جاعى باستاماشى بولدى.