جۇرەك ۇستاماسىنان امان قالۋعا « ءتىرى پلاستىر» كومەكتەسەدى - عالىمدار

نۇر- سۇلتان. قازاقپارات - بريتانيا عالىمدارى ميلليونداعان ءدىڭ جاسۋشالارىنان تۇراتىن «ءتىرى پلاستىر» جۇرەك ۇستاماسىنان كەيىن ادامداردىڭ جىلدام جازىلىپ كەتۋىنە سەپتىگىن تيگىزەدى دەپ سانايدى. بۇل تۋرالى BBC حابارلادى.

ۇزىندىعى 3 س م، ەنى 2 س م كەلەتىن يىلگىش پلاستىر زەرتحانا جاعدايىندا ناۋقاستىڭ جاسۋشالارىنان ءوسىرىلىپ، دەنى ساۋ جۇرەك بۇلشىق ەتىنە اينالدىرىلادى.

جاڭا اعزا جۇرەك جاسۋشالارىن قالپىنا كەلتىرەتىن حيميالىق كومپونەنتتەردى دە شىعارۋعا قاۋقارلى.

 لوندوننىڭ يمپەريالىق كوللەدجىنىڭ ساراپشىلارى وسى عىلىمي جاڭالىقتى مانچەستەردە وتكەن جۇرەك اۋرۋلارى كونفەرەنتسياسىندا تانىستىردى. ولاردىڭ ايتۋىنشا، قوياندارعا وتكىزىلگەن سىناقتار كەزىندە ونىڭ زيانسىز ەكەنى انىقتالعان.

 بريتانيا كارديولوگتارى قوعامىنىڭ اقپاراتىنا قاراعاندا، بىرەر اپتانىڭ كولەمىندە ادامدارعا سىناقتار باستالۋى مۇمكىن.