جازدا دەمالىسى ەڭ ارزان ەلدەر انىقتالدى
رەيتينگ جاسالعاندا ساراپشىلار جاز بويى جانە جازدىڭ ءار ايىندا ەكى ادامعا جەتى تۇنگە تۋردىڭ باعاسىن ەسەپكە الدى. سونىمەن قاتار ماماندار ەڭ ارزان جولدامالاردى تاپتى. مىسالعا، گرەكياعا 180 ەۋرومەن دەمالىسقا بارۋعا بولادى.
ەڭ قولجەتىمدى ون باعىتتىڭ قاتارىنا تۇركيا، ۆەنگريا، لاتۆيا، گرەكيا، كيپر، بولگاريا، گرۋزيا، چەحيا، ارمەنيا جانە بەلورۋس ەلى كىردى. ەڭ قىمبات اي تامىز ەمەس، ماۋسىم بولدى.
ماماندار جولدامانى شىلدە ايىندا العان ءتيىمدى دەپ ەسەپتەيدى. ال ەگەر مەرزىمى كۇيىپ بارا جاتقان جولداما الىنسا، اقشانى ايتارلىقتاي ۇنەمدەۋگە بولادى. گرەكياعا ەكى ادامعا ەڭ ارزان تۋر - 79755 تەڭگە، ال تۇركياعا 6000 تەڭگەدەي قىمباتتاۋ بولادى.
ال دەمالىسى ەڭ قىمبات ەل ماۆريكيا بولىپ شىقتى. تۋردىڭ ورتاشا باعاسى - 2 ميلليون 322 مىڭ تەڭگە. مۇنىمەن قوسا، شىلدەدە بۇل ارالعا ماۋسىمعا قاراعاندا ەكى ەسە ارزان باعاعا ۇشۋعا بولادى (2,5 ميلليون جانە 1,3 ميلليون تەڭگە) .
ەكىنشى ورىندا يامايكا تۇر. بۇل جاققا جولدامانىڭ باعاسى ماۆريكيادان بىرنەشە مىڭعا ارزانداۋ.
پاناما 1,6 ميلليون تەڭگەگە جۋىق باعامەن ءۇشىنشى ورىندا. ەڭ قىمبات جولدامالاردىڭ ءتىزىمىن سەيشەل مەن شۆەيتساريا جابادى.