ەلوردا سوتى مايمىلعا قاتىستى ىسكە نۇكتە قويدى
14:02, 04 - ماۋسىم 2019
نۇر-سۇلتان. قازاقپارات - نۇر-سۇلتان قالاسىندا 6 جاسار بالانى تىستەپ العان مايمىلدىڭ ىسىنە قاتىستى سوت شەشىمى شىقتى.
وقيعا بىلتىر بولعان. الايدا، سوت شەشىمى جاقىندا عانا شىقتى، دەپ حابارلايدى قازاقپارات ءتىلشىسى.
ەلوردا سوتىنىڭ باسپا ءسوز قىزمەتىنەن ءمالىم ەتكەندەي، 2018 -جىلدىڭ قىركۇيەك ايىندا «سارىارقا» ساۋدا، ويىن-ساۋىق ورتالىعىندا ورنالاسقان زووباقتا مايمىل 6 جاستاعى قىز بالانى تىستەپ العان.
سوت-مەديتسينالىق ساراپتاما جۇمىسىنىڭ قورىتىندىسىنا ساي، دەنەگە تۇسكەن جاراقات - دەنساۋلىققا كەلتىرىلگەن جەڭىل زاقىم رەتىندە ايقىندالعان. قىز بالانىڭ اكەسى زووباقتان مورالدىق شىعىن ءوندىرۋ ءۇشىن سوتقا ارىزدانعان.
«ەسىل اۋداندىق سوتىنىڭ شەشىمىمەن ارىز تالابى ءىشىنارا قاناعاتتاندىرىلدى. زووباقتان مورالدىق شىعىن ەسەبىندە 50 مىڭ تەڭگە ءوندىرىلىپ الىندى»، - دەلىنگەن حابارلامادا.
سوت شەشىمى كۇشىنە ەنگەن جوق.