حان شاتىرداعى بالا ءولىمى بويىنشا قىلمىستىق ءىس قوزعالدى - مينيستر
بۇل تۋرالى بۇگىن ق ر ىشكى ىستەر ءمينيسترى ەرلان تۇرعىمبايەۆ ايتتى، دەپ حابارلايدى قازاقپارات ءتىلشىسى.
«كەشە قىلمىستىق ءىس قوزعالدى. نەگىزىندە ول جەردە مەكتەپ ۇيىمداستىرعان بالالاردىڭ جازعى لاگەرى بولعان. كەشە باسسەينگە 30 بالا سۋعا تۇسكەن. قىز بالا باتىپ كەتىپ، قايعىلى وقيعا ورىن الدى. ءدال سول ۋاقىتتا قۇتقارۋشى قايدا بولعانىن، نەلىكتەن ول دەر ۋاقىتىندا شارا قابىلداماعانىن قازىر انىقتاپ جاتىرمىز. ۇيىمداستىرۋشىلاردىڭ دا جاۋاپكەرشىلىگى ماسەلەسى كوتەرىلۋدە. «نەلىكتەن ولار سول جەردە بالالار لاگەرىن ۇيىمداستىردى، نەگە قاۋىپسىزدىك شارالارىن ۇيىمداستىرمادى؟» دەگەن ماسەلە دە قاراستىرىلىپ جاتىر»، - دەدى مينيستر ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.
ونىڭ ايتۋىنشا، قازىرگى ۋاقىتتا باسسەيندەگى بارلىق بەينەباقىلاۋ كامەرالارىنىڭ جازبالارى زەردەلەنىپ جاتىر.
«سوت-مەديتسينالىق ساراپتاما دا جۇرگىزىلۋ ۇستىندە»، - دەدى ەرلان تۇرعىمبايەۆ.
بۇعان دەيىن ەلورداداعى «حان شاتىر» س و س و باسسەينىندە قىز بالا سۋعا كەتىپ، تەرگەۋ امالدارىنىڭ جۇرگىزىلىپ جاتقانىن حابارلاعان ەدىك.