الماتىدا ساق مادەنيەتىنە ارنالعان حالىقارالىق ورتالىق اشىلادى

الماتى. قازاقپارات - كەلەسى جىلى الماتىدا ساق مادەنيەتىنە ارنالعان «بورالداي ساق قورعانى» اتتى حالىقارالىق ورتالىق اشىلادى.

بۇل تۋرالى قالالىق تۋريزم باسقارماسىنىڭ ءتۋريزمدى ىلگەرىلەتۋ ءبولىمىنىڭ باسشىسى اسلان قوڭىرحانوۆ قازاقپارات تىلشىسىنە بەرگەن سۇحباتىندا ءمالىم ەتتى.

«الماتىدا ەتنوتۋريزمدى دامىتۋ ماقساتىندا كەلەر جىلى قالاداعى «قازاق فيلمنىڭ» اۋماعىندا ەتنواۋىلدىڭ قۇرىلىسى باستالادى. ءبىزدىڭ ونى «Ethnoland» دەپ اتادىق. قۇرىلىسى 2020 -جىلى باستالاتىن كەشەننىڭ اۋماعى 5 گەكتاردان اسىپ جىعىلادى. ونىڭ ىشىندە مىڭجىلدىق تاريحى بار الماتى قالاسىنىڭ تاريحى جانە مادەنيەتىمەن تانىستىراتىن ءتۇرلى باعىتتاعى جوبالار جۇزەگە اسىرىلادى. سونىمەن قاتار، قالاداعى ايتۋلى شارالار دا سول جەردە وتكىزىلەتىن بولادى. جانە فيلم تۇسىرۋدە جوسپاردا بار»، - دەدى ا. قوڭىرحانوۆ.

سونداي-اق، تۋريزم باسقارماسىنىڭ وكىلى وڭتۇستىك استانادا ساق مادەنيەتىنە ارنالعان «بورالداي ساق قورعانى» اتتى حالىقارالىق ورتالىق اشىلاتىنىن ايتىپ ءوتتى.

«بۇگىندە مادەني ورتالىقتىڭ ەكونوميكالىق-تەحنيكالىق جوسپارى بەكىتىلدى. ونىڭ دا قۇرىلىسى كەلەر جىلى باستالادى. كەلۋشىلەر ول جەردە ساقتاردىڭ مادەنيەتىمەن قاتار، جالپى كوشپەندىلەردىڭ تىرشىلىگىمەن ەتەنە تانىسا الاتىن بولادى. ودان بولەك، قالامىزدا باتىرلار مۋزەيى سالىنادى. اتى ايتىپ تۇرعانداي مۋزەي قازاق باتىرلارىنىڭ ءومىرى مەن ەرلىكتەرىنە ارنالادى»، - دەدى ول.

ودان بولەك، اسلان قوڭىرحانوۆ الماتىدا ىسكەرلىك ءتۋريزمدى ىلگەرىلەتۋ ماقساتىندا بيىل ب ۇ ۇ-نىڭ تۋريستىك حابتىڭ اشىلعانىن تىلگە تيەك ەتتى.

«ب ۇ ۇ اشقان ورتالىق حابتا حالىقارالىق 14 اگەنتتىكتىڭ وكىلدىگى ورنالاسقان. ول جەردە ءتۇرلى دەڭگەيدەگى ىسكەرلىك كەزدەسۋلەر وتەدى. ونداعى ماقسات - شەتەلدىكتەرگە ءوز مۇمكىندىگىمىزدى كورسەتۋ. سول سياقتى حابتا قازاقستاندىق وكىلدەر دە جۇمىس ىستەيدى. ولار شەتەلدىكتەرگە الماتىدا بيزنەستىڭ قاي تۇرىنە ينۆەستيسيا سالۋعا بولاتىندىعىن، سونداي-اق، قالامىزدىڭ قاۋىپسىز جانە ءىرى مەگوپوليس قالالاردان كەم تۇسپەيتىندىگىن ايتا وتىرىپ، ولارعا باعىت- باعدار بەرەدى. اشىلعاننان بەرى ورتالىقتا 10 حالىقارالىق دەڭگەيدەگى كونفەرەنتسيا مەن سەمينار وتكىزىلدى»، - دەيدى ول.

قالالىق تۋريزم باسقارماسىنىڭ دەرەگىنە سۇيەنسەك، بۇگىندە ەسكى الماتىنىڭ ` جاڭعىرتىلدى. سونداي-اق، قالادا e مۇمكىندىگى شەكتەۋلى توپقا جاتاتىن جاندارعا جاعداي جاسالعان. جانە جاياۋ جۇرگىنشەلەرگە ارنالعان جولداردىڭ جاڭالاندى.

ايتا كەتسەك، «Kazakh Tourism» ۇلتتىق كومپانياسىنىڭ مۇرىندىق بولۋىمەن ەلىمىزدە ونكۇندىك اقپاراتتىق تۋرى ءوتتى. ماقساتى - ىشكى ءتۋريزمنىڭ پوتەنتسيالىن ارتتىرۋ جانە دارىپتەۋ. اقپاراتتىق تۋرعا ەلىمىزدىڭ باتىس وڭىرلەرىنەن اتاپ ايتقاندا اتىراۋ، اقتوبە، بقو جانە ماڭعىستاۋ وبلىستارىنداعى تۋريستىك اگەنتتىك وكىلدەرى قاتىستى. ولار شارا بارىسىندا نۇر-سۇلتان، الماتى، شىمكەنت قالالارى مەن الماتى، تۇركىستان، ش ق و جانە اقمولا وبلىستارىنىڭ تۋريستىك نىساندارى مەن ساۋىقتىرۋ كەشەندەرىنىڭ جۇمىسىمەن تانىسا وتىرىپ ءوزارا تاجىريبە الماسۋ.