قازاق زيالىلارىنىڭ بالا تاربيەسى جايلى ايتقاندارى

نۇر - سۇلتان. قازاقپارات - قازاق حالقى قاي ۋاقىتتا بولماسىن، ۇرپاق تاربيەسىن ۇلتتىڭ تاعدىرى، ۇلتتىڭ بولاشاعى دەپ بىلگەن. «اعاش ءتۇزۋ ءوسۋ ءۇشىن وعان كوشەت كەزىندە كومەكتەسۋگە بولادى، ال ۇلكەن اعاش بولعاندا ونى تۇزەتە المايسىڭ» دەپ بەكەر ايتىلماعان.

 بۇگىن وقىرمان كادەسىنە جارار دەگەن نيەتپەن بالا تاربيەسىنە بايلانىستى قازاق زيالىلارىنىڭ ايتقان ويلارىن توپتاستىرىپ وتىرمىز.

 بالاعا بەرىلگەن ءبىرىنشى تاربيە اتا- اناسىن، تۋىسىن، جولداسىن سىيلاۋعا ۇيرەتۋدەن باستالادى. ى. التىنسارين

 ادامنىڭ ادامشىلىعى - اقىل، عىلىم، جاقسى اتا، جاقسى انا، جاقسى قۇربى، جاقسى ۇستازدان بولادى. اباي قۇنانبايەۆ

ۇلدى ۇلشا تاربيەلەسەڭ - ۇل بولادى، قۇلشا تاربيەلەسەڭ - قۇل بولادى. احمەت بايتۇرسىنوۆ

بالا تاربيەسىن، وقىتۋىن جاقسى بىلەيىن دەگەن ادام اۋەلى بالالارعا ۇيرەتەتىن نارسەلەردى ءوزى جاقسى ءبىلۋى كەرەك، ەكىنشى بالانىڭ تابيعاتىن ءبىلىپ، كوڭىل- سارايىن تانيتىن ادام بولۋى كەرەك. ونى بىلۋگە بالانى تۋعاننان باستاپ ءوسىپ جەتكەنشە تانىمەن قاتار اقىلى قالاي كىرەتىن جولىن ىزدەۋى كەرەك، بالانىڭ ىسىنە، تۇسىنە قاراپ ىشكى حالىنەن حابار الارلىق بولۋى كەرەك. احمەت بايتۇرسىنوۆ

 ادام مىنەزىنىڭ، اقىل- قايراتىنىڭ ءارتۇرلى بولۋى تاربيەنىڭ ءتۇرلى- ءتۇرلى بولۋىنان.. . ادام بالاسىنىڭ ۇرلىق ىستەۋ، وتىرىك ايتۋ، كىسى توناۋ، ءولتىرۋ سىقىلدى بۇزاقىلىقتاردى جاساۋى، تاربيەنىڭ جەتىسپەگەندىگىنەن.. . ج. ايماۋىتوۆ

بالا تاربيەسى - ءبىر ونەر، ونەر بولعاندا اۋىر ونەر، جەكە ءبىر عىلىم يەسى بولۋدى تىلەيتىن ونەر. .. .بالا تار ويلى اقىماق بولسا، بالا كىنالى ەمەس، تاربيەشى كىنالى، بالا سۇلۋلىقتان ءلاززات الا بىلمەيتىن مىلقاۋ جاندى بولسا، بالا ايىپتى ەمەس، تاربيەشى جازالى. م. جۇمابايەۆ

ادام بالاسىنىڭ جامان قۇلقى جاراتىلىسىنان ەمەس، وسكەن ورتا، العان ۇلگى، ونەگە بىلەتىندىگىنەن جانە تۇزەلۋ، بۇزىلۋ جاس ۋاقىتتا بولادى.

 م. اۋەزوۆ

Massaget.kz