جەرسەرىكتەر نەدەن جاسالادى؟
XXI عاسىردا جەرسەرىكتەرىن جاساۋ بارىسىندا مەتاللدىڭ ورنىنا كومىرتەكتى پلاستيكتى ءجيى قولدانادى. قازىر ا ق ش پەن رەسەي عالىمدارى اليۋميني قوسپاسى نەگىزىندە جاسالعان ۇشاقتىڭ اجىرايتىن بولىگىن كومىرتەكتى پلاستيككە اۋىستىرۋدى قولعا العان. نەگە كومىرتەكتى پلاستيك دەيسىز عوي؟ ويتكەنى، ول اليۋميني قوسپاسىنا قاراعاندا 30- 35 پايىزعا جەڭىل. ءبىر كەلىنى جاقىن وربيتاعا شىعارۋ ءۇشىن 50 مىڭ دوللار جۇمساۋ قاجەت. ال عالامشار ارالىق ۇشۋعا بۇدان 10 ەسەگە دەيىن كوپ شىعىندالۋعا تۋرا كەلەدى. ونىڭ ۇستىنە كومىرتەكتى پلاستيكتەن جاسالعان جەرسەرىكتەرىنىڭ پايدالانۋ مەرزىمى ۇلعايىپ، سەنىمدىلىگى مەن بەرىكتىگى ارتا تۇسەدى.
"سپۋتنيك-1" دەپ اتالعان جەردىڭ العاشقى جاساندى سەرىگى اليۋميني مەن ماگنيدىڭ قوسپاسىنان جاسالعان. مىسالى، "فەدەراتسيا" كوپ مارتەلىك عارىش كەمەسىنىڭ باسىم بولىگى كومىرتەكتى پلاستيكتەن جاسالعان. الايدا ادامدار وتىراتىن باسقارىلاتىن بولىگى مەتاللدان تۇرادى. نە سەبەپتى باسقارۋشى بولىكتى كومىرتەكتى پلاستيكتەن جاسامايدى؟ ماسەلە، العاشقى باسقارۋشى بولىكتەردى جاساعان ۋاقىتتا كومىرتەكتى پلاستيكتىڭ بولماۋىندا. قازىر ولاردى الماستىرۋ ءۇشىن ءبىرقاتار سىناقتار وتكىزىپ، تەكسەرىس جاساۋ قاجەت. ادامزات بالاسىنىڭ باستى پروبلەمالارىنىڭ ءبىرى - عارىش قوقىسى. زىمىراننىڭ ساتىلارى، عارىش اپپاراتتارىنىڭ ىستەن شىققان بولىكتەرى جەرسەرىكتەرىنە كوپ نۇقسان كەلتىرۋدە. ولاردىڭ بىردە- بىرەۋى، ءتىپتى، كومىرتەكتى پلاستيكتەن جاسالعان جەرسەرىكتەر دە ۇلكەن جىلدامدىقپەن كەلىپ سوعىلعان كىشكەنتاي عارىش قوقىسىنىڭ بولشەگىنە دە توتەپ بەرە المايدى. ادامزات بالاسى عارىش اپپاراتتىن قورعاۋدى جانە عارىشتى قوقىستان قالاي تازارتۋدى ويلاپ تاپقان جوق. وربيتادا عارىش قالدىقتارى جىل سايىن كوبەيۋدە.
سوڭعى ءۇش جىلدا ولار 2 پايىزعا نەمەسە جىلىنا 100 تونناعا ارتىپ وتىرعان. 2017 -جىلعى ستاتيستيكا بويىنشا، جەر اينالاسىندا 10 سانتيمەتردەن قالىڭ بولعان 18 مىڭ نىسان، 1200 جاساندى سەرىك، 750 مىڭداي 1 سانتيمەتر بولاتىن تەمىر بولشەكتەرى، ميلليمەتردەن كىشكەنتاي 150 ملن- داي قالدىقتار بار. زاماناۋي ادىستەر جەرسەرىكتىڭ بولشەكتەرىن ءادديتيۆتى تەحنولوگيانىڭ كومەگىمەن جاساۋعا مۇمكىندىك بەرەدى. دەگەنمەن جەرسەرىگىن تۇگەلدەي 3D پرينتەردە باسىپ شىعارۋ ءتيىمسىز. ويتكەنى اپپاراتتىڭ قاڭقاسىنىڭ وزىنە كوپ ۋاقىت پەن قارجى كەتەدى. ودانشا ونى تۇتاس ماتەريالدان كەسىپ العان تيىمدىرەك. ماتەريالدى بولاشاقتا نە كۇتىپ تۇرعانىنا بايلانىستى كومىرتەكتى تالشىقتى توسەۋدىڭ بىرنەشە ءتاسىلى قولدانىلادى. ەگەر ونى دۇرىس توسەمەسە اراسىندا بوس كەڭىستىك قالىپ قويۋى مۇمكىن. الايدا بۇل اۆياتسياعا قاراعاندا عارىش قۇرىلعىلارى ءۇشىن اسا قاۋىپتى ەمەس. ۇشاقتار ءتۇرلى اۋا- رايىندا قاتىنايدى. سونىڭ سالدارىنان قۋىس سۋعا نە وزگە دە بۇلىنۋگە اكەلەتىن زاتقا تولىپ قالۋى مۇمكىن. وسى سەبەپتى كوپتەگەن عارىش اپپاراتتارىن تيتان قوسپاسىنان جاساۋعا كوشتى. تيتان قوسپاسى اليۋمينييگە قاراعاندا الدەقايدا بەرىك. دەگەنمەن بولاشاقتا كومىرتەكتى پلاستيكتەن جاسالعان جەرسەرىكتەرىنە باسىمدىق بەرىلەتىنى كۇمانسىز.
Massaget.kz