م. سارباسوۆ: شەتتەگى قازاقتاردى تاريحي وتانىنا كوشىرۋ وزەكتى
«بۇگىنگى كۇنى شەتەلدەگى قازاقتاردىڭ جالپى سانى ءارتۇرلى مالىمەتتەرگە سايكەس 7-8 ميلليون ادامدى قۇرايدى. بۇل قازاق ۇلتىنىڭ شامامەن 30 پايىزى. ەلىمىزدە تۋۋ قارقىنىنىڭ باسەڭدەۋى، ميگراتسيالىق پروتسەستەردىڭ كۇشەيۋى بايقالادى. وسى رەتتە شەتتەگى قازاقتاردى تاريحي جانە ەتنيكالىق وتانى - قازاقستانعا قونىس اۋدارتۋ بۇگىنگى كۇننىڭ وزەكتى ماسەلەسى بولىپ وتىر. سونىمەن قاتار شەتتەگى قازاقتاردىڭ انا ءتىلىن ۇيرەنۋى مەن قولدانۋ كەڭىستىگىنىڭ تارىلۋى، ءداستۇرىمىز بەن مادەنيەتىمىزدى، ەتنيكالىق بىرەگەيلىگىمىزدى جوعالتۋ جانە كەيبىر ادامداردىڭ پىكىرىنشە، 10-15 جىلدا تولىق اسسيميلياتسيالانۋ قاۋپى- قاتەرىن ەسكەرە وتىرىپ، قانداستاردى جان- جاقتى قولداۋ ماسەلەسى قاراۋدى تالاپ ەتەدى»، - دەدى ول «وتانداستار» قورىنىڭ جانىنان قۇرىلعان قوعامدىق كەڭەستىڭ ءبىرىنشى وتىرىسىندا.
ونىڭ اتاپ وتۋىنشە، «وتانداستار» قورى ءوز جۇمىسىن جوبالىق كەڭسە فورماتىندا، قانداستارىمىز ءۇشىن قىزمەت كورسەتەتىن ءبىرىڭعاي وپەراتور رەتىندە ۇيىمداستىرادى.
ءبىزدىڭ ماقساتىمىز - ۇلتتىق بىرەگەيلىكتى ساقتاۋ، قازاق دياسپوراسىنا قاتىستى مەملەكەتتىك ساياساتتى قالىپتاستىرۋعا ىقپال ەتۋ، بۇكىل الەم قازاقتارىن تاريحي جانە ەتنيكالىق وتانى قازاق ەلى توڭىرەگىنە بىرىكتىرۋ. «وتانداستار» قورىنىڭ بارلىق جوبالارى ەلباسىنىڭ دۇنيەءجۇزى قازاقتارىنىڭ 5-قۇرىلتايىندا بەرگەن تاپسىرمالارىنىڭ اياسىندا ازىرلەنگەن جانە ءار باعىت بويىنشا جۇمىس شتابى قۇرىلعان»، - دەدى ماعاۋيا سارباسوۆ.
وتىرىستا قوردىڭ نەگىزگى قىزمەتى مەن جوبالارى جان- جاقتى قارالدى.
اۆتور: مارلان جيەمباي