مۇز استىنان تابىلعان ەجەلگى كيىمدەر ساپاسى تاڭعالدىرادى - عالىمدار
اۆتوردىڭ جازۋىنشا، بۇگىنگى تاڭدا مۇز ارحەولوگياسى دەگەن جاڭا عىلىمي ءپان پايدا بولعان.
«مۇز ارحەولوگياسى - مۇز استىنداعى تاريحي ەسكەرتكىشتەردى تاۋىپ، زەرتتەۋمەن اينالىسادى. مۇنداي زاتتار مۇز استىندا قاتىپ قالعاندىقتان، جاقسى كۇيدە ساقتالعان»، دەيدى شۆەيتسارياداعى ۆال تاريحي مۋزەيىنىنىڭ قىزمەتكەرى پەر-يۆ نيكو.
«عىلىمي ءپان رەتىندە مۇز ارحەولوگياسى بىرەگەي سالا سانالادى. بىرىنشىدەن، ونىڭ پايدا بولۋىنىڭ ءوزى ەرەكشە. 1991 -جىلى قىركۇيەك ايىندا يتاليا - اۆستريا شەكاراسىندا جۇرگەن جۇپ مۇز استىنان شىققان ادام دەنەسىن تاۋىپ العان. ول مۋميا ەستال تاۋىنىڭ قۇرمەتىنە ەسي اتالىپ كەتتى. عالىمدار باسىندا بۇل جوعالىپ كەتكەن الپينيست دەنەسى دەپ ويلادى. ال ارحەولوگتار دەنەنىڭ 5 مىڭ جىل بۇرىنعى مۋميا ەكەنىن انىقتادى»، دەپ جازادى اۆتور.
ونىڭ سوزىنە قاراعاندا، مۇز ارحەولوگياسىنىڭ باستى مىندەتى ەجەلگى كەزەڭدەگى تاۋ تۇرعىندارىنا باسقاشا كوزقاراس ۇسىنۋ.
«مۇز استىنان تابىلعان كيىمدەر مەن اكسەسساۋارلاردىڭ ساپاسى تاڭعالدىرادى. ءالپى تاۋلارىنىڭ ماڭىنان 2800 مەتر تەرەڭدىكتە تابىلعان زاتتار ب. ز. د. 3800-3700 -جىلدارداعى ادىسپەن جاسالعان. كەيبىر تەرى اياق كيىمدەر ءتىپتى ب. ز. د. VIII- VI عاسىرعا ءتان»، دەيدى نيكو.
ونىڭ پايىمىنا قاراعاندا، جاھاندىق جىلىنۋ ناتيجەسىندە مۇزدار جىلدام ەرىپ، مۇز استىنداعى تاريحي ەسكەرتكىشتەر سۋ بەتىنە شىعىپ، وتە جىلدام بۇزىلىپ جاتىر.
«سول سەبەپتى ادامدار تاريحي وبەكت تاۋىپ السا، ونى قوزعاماي، ارحەولوگتارعا حابارلاۋى كەرەك»، دەيدى ول.