«حالىقارالىق بالالاردى قورعاۋ كۇنىنە ارنالعان وركەسترلەر شەرۋىنىڭ ۇيىمداستىرۋشىسى اتىراۋ وبلىستىق ءبىلىم باسقارماسى بولدى. قازىرگى ۋاقىتتا شەرۋدى وتكىزۋگە جاۋاپتى بولعان ادامدارعا قاتىستى قىزمەتتىك تەكسەرىس جۇرگىزىلىپ جاتىر. تەكسەرىس ناتيجەسى جايلى حابارلاناتىن بولادى»، - دەپ مالىمدەدى وبلىستىق اكىمدىكتىڭ باسپا ءسوز قىزمەتى.
ايتا كەتەيىك، 1 -ماۋسىمدا اتىراۋدا وتكەن وركەسترلەر شەرۋىنە 7 مىڭ ادام قاتىستى. ت ج دەپارتامەنتىن كۇننىڭ ىستىق بولاتىنى تۋرالى ەسكەرتۋ جاريالاعان، الايدا بۇعان قاراماستان شارا كەيىنگە قالدىرىلماعان. سالدارىنان 21 ادامنىڭ باسىنان كۇن وتكەن. اۋقىمدى شاراعا بالالارمەن بىرگە ەتنومادەني بىرلەستىك وكىلدەرى، ق ر ۇلتتىق گۆاردياسى 5556 اسكەري بولىمشەسىنىڭ وركەسترى قاتىسقان. شەرۋدە وركەستر قۇرامى مۋزەي الاڭىنان باستاپ بەيبارىس سۇلتان الاڭىنا دەيىن ءجۇرىپ وتكەن.